عنوان الموضوع : جديدي في المقبلات: ميني تارت مالحين... تفضلو مرحبا - اكلة جزائرية
كاتب الموضوع : hamida
مقدم من طرف منتديات ايمازيغن

السلام عليكم و رحمة الله و بركاته
بسم الله




هذه الوصفة فيها مرحلتين : تحضير les barquettes بالعجينة البريزي, و تحضير الميني تارت كاملين.

تحضير les barquettes : أول شيء لازم نحضرو العجينة البريزي و هذه مكوناتها :




250غ فرينة, 150غ زبدة باردة مقطعة , أصفر بيضة, 1 م ص ملح, و لمستي الخاصة و الخاصة جدا 1 م ك اكليل و زعتر مرحين, و نصف كاس ماء بارد. تكفي تقريبا ل 30 قالب صغير.

التحضير : نخلط الفرينة مع الملح و الكليل و الزعتر, و بعد نخلط مع الزبدة و اصفر البيضة بأطراف الأصابع و كإنك تقرصي (ردو بالكم ما تعجنوش!!!!!) حتى تتحصلو على مزيج متجانس ترابي يشبه للكسكسي :



و بعد زيدي الماء بالشوية و حاولي فقط تجمعي بيه العجينة موش تعجني, حتى تتلم العجينة :




حطي العجينة في كيس و خليها ترتاح من ربع ساعة لنصف ساعة في الثلاجة , و بعد خرجيها خليها شوية و بعد حليها مع استعمال الفرينة باش ما تلصقش




حطي القوالب الصغار من تحت , دخلي العجينة شوية و قصيها بالضغط متاع ايدك :





نقبيهم بالفرشيتة :



سخني الفرن على درجة 200 من فوق و تحت, حطي الطبق في الوسط. تقريبا 20 دق و هذه النتيجة :





ملاحظة : كل ما يكون عندك أكثر عدد من القوالب يكون الشغل أسهل.

لما تكملي كل الكمية , خليهم يبردو و حطيهم في علبة في الثلاجة لحين الاستعمال:





المرحلة الثانية نحطها إن شاء الله في الرد الثاني ...... إنتظروني



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©