عنوان الموضوع : سلطة ماسيدوان *صيفية* خفيفة *و*ظريفة * - المقبلات و السلطات
كاتب الموضوع : madiha
مقدم من طرف منتديات ايمازيغن

سلام عليكم اعضاء وعضوات المنتدى
في هذه الايام الصيفية الحارة
مايوالمو غير السلطات
وكلنا نحبو السلطات
وكما يقول المثل
على الشلايظ ماني نايض
المهم الامس درت سلطة وعجبت كل العائلة وجات خيفة وحتى الاولاد عجبتهم
متعودين نديرو ماسيدوان بالارز +فينقرات + التونة لكن هذه فيها غير الخضر ومافيهاش فينقرات اجي خفيييفة وبنة الخضر امممممم
المقادير
2حبات بطاطا متوسطة
3حبات جزر
حبة قرعة
لوبيا ماشطو كمية صغيرة
جلبانة
ذرة معلب اختياري انا ماعنديش
مايوناز
زيتون اخضر مقطع
بيضتين مغليين
معدنوس للتزيين
جبن مبشور للتزين
حبة طماطم صغيرة للتزيين
زيتون اسود وبنفسجي للتزييين
الطريقة نقطع كل الخضر صغيرة ونملحها ونحطها تفور في الكسكاس



نقطع الزيتون ونقطع حبة البيض وحبة اخرى نتركها للتزيين



نبعد ماتفور السلطة ننزعها من الكسكاس نضيف عليها الزيتون والبيضوكمية من المايوناز حوالي 2ملاعق كبار وهي ساخنة ونخلطها حتى تتمازج المايوناز مع الخضار

ندهن اي قالب عندنا بقليل من الزيت انا درت تع الموسكوشو تقدرو تع السليكون او قوالب فردية
ونحط عليها السلطة ونسويها بالملعقة جيدا
نتركها ترتاح شوية ونقلبها في الصحن ونزينها







قدمتها مع سردين ونقدرو نرافقوها مع شواء او مرقاز او دجاج او اسكالوب باني وحتى للظيوف


ان شاء الله تنال السلطة اعجابكم
راه بسيطة وتوالم لهذا الحر وحتى البنات الي راهم في عطلة يدخلوا للمطبخ اديروها يريحو امهاتهن
مع تحيات ام اسلام واية ويوسف




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©