عنوان الموضوع : كرواصة معمرة تاتجي بنينة - أطباق جزائرية
كاتب الموضوع : admin
مقدم من طرف منتديات ايمازيغن

اليوم جبت لكم كرواصة معمرة.غير جربوها مغديش تندمو.نبداو انشاء الله.
>>مقادير العجين>>
كيلو الاربع دقيق فورص نوع جيد.
شوية ملح.شوية خميرة العجين.
2معالق كبار زبدة لينة.
نعجن بالماء الدافىء.
>>مقادير الحشوة>>
3بصلات كبار مقطعين اجنحة .
1فلفلة حلوة مقطعة مربعات.
بكية صغيرة ونصف شعرية شنوة.
قشاوش الدجاج مشرملين من قبل.
شوية زيتون كحل.
>>الطريقة>>
نشحرو البصلة والفلفلة ونزيد شوية الماء ونخليها حتى طيب ونزيد القشاوش لي فبهم العطرية ديال دجاج .وملي طيب نخليوها تبرد .
وندزو دابا طريقة العجين مع الحشو.
>>ملي نجمع العجين وندلكوه مزيان.
نقسموه على شكل كراة ومن بعد نكرص الكراة بالزبدة والزيت ونطووهم على شكل مسمنات.
ومن بعد نكرص كل مسمنة ونعمروها بالحشوة ونطووها على شكل هلال.
ونستفوها في الطاوة وندهنوها بالبيض ونطيبوها .ونكلوها ههههههههه.
ودابا نخلكم مع الصور.




















تقادات لي الحشوة وبقاو لي 4 كراة وعمرتهم بالشكلاط على شكل شكيليطة.يلاه كلو بسم الله.



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©