عنوان الموضوع : بغرير(غرايف)..رووووووعة خفيف و مغذي ...حصريا من مطبخي - طبق جزائري
كاتب الموضوع : مريم
مقدم من طرف منتديات ايمازيغن

السلام عليكم ورحمة الله و بركاته
رحم الله جداتنا كي خلاولنا وصفة البغرير لي يسموها كذلك الغرايف و لكني انا حبيت نزيد لها بعض المقادير بش تصبح اكثر مغذية و خفيفة و هذا حصري من مطبخي و صدقوني باذن الله ناجحة 100با100
نبدا بسم الله
نضع في الجفنة



3كيلات سميد ممتاز +1كيلة فرينة +3مغارف زيت عادي +3مغارف سكر عادي +2بيضات +3مغارف قهوة ملح +2مغارف كبار خميرة الخبز+2 مغارف كبار حليب جاف
نفرك كل المقادير براحتي اليد حتى تتداخل ثم نضيف كاس حليب دافئ ونخلط بحركة دائرية مع اضافة 2لتر من الماء دافئ
شوي شوي مع مواصلة الحركة الدائرية حتى تكملي كمية الماء
مهم جداااااااااااا ما تعجنيش




ثم نصفي الخليط في كسكاس و نتركه يختمر 1ساعة كاملة
مع التحريك كل ربع ساعة من فوق الى تحت




ثم تبدي تطيبي في مقلاة تيفال ما تلصقش
شوفي كيفاش تجيك ..ما شاء الله تبارك الله ..الصحة و الهناء



ملاحظة ..انا الكيلة لي كيلت بيها تهز نصف باطة لابال
و تقدري تستعملي الخلاط الكهربائي





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©