عنوان الموضوع : خبــز بالفرمـــــــــاج رووعة - طبق جزائري
كاتب الموضوع : imilla
مقدم من طرف منتديات ايمازيغن
السلام عليكم
اليوم جيبتلكم خبــــــــــــــــــــــــــز محشي بالفرمـــــــــــــــــــــــــــــــــــاج خفيف و بنيييييييييييييييييييييييييييين جربوه ماراحش تندموا
المقادير
250غ فرينة
2 مغارف كبار لحظة "حليب بودر"
2 مغارف كبار زبدة
ملح عينك ميزانك
خميرة عينك ميزانك
قطعتين فرماج
ماء دافئ للعجن
رشة سكر
صفار بيضة +شوية نسكافي+حليب و نخلط مليح ندهن بيه الخبز
التحضير
نحط الفرينة في قصعة و نزيدلها الحليب غبرة و الملح و السكر و الخميرة و اعجني بالماء الدافئ حتى تتلم العجينة
و مبعد نزيدلها 2 مغارف كبار زبدة او مارغرين و نعجن راح تلاحظو بلي بدات تتلق العجينة عادي كملو دخلو الزبدة
العجينة راح تولي كيما هكذا
زيديلها شوية فرينة مش بزاف و لمي العجينة حتى تتحصلي على عجينة طرية لاتلتصق باليد" هذي الكمية تع الفرينة ماهيش داخلة في المقادير يعني زايدة فوق 250غ فرينة"
هذي هي العجينة نحطها تخمر
هذي بعد ماخمرت
نكورها كويرات كيما في الصورة راهم يجيو 7 كويرات
نحكم كويرة نبسطها نورمالمو ماتحتاجوش ترشو فرينة و إذا حابة ديريها ديري حاجة خفيفة بزاااف باش ماتأثرش على العجينة و تيبسها
نحط قطعة فرماج
نغلقو عليها كيما راهو موضح في الصورة
ونعدلها مليح
و مبعد ندير فيها خطوط بسكين حادة او شفرة حلاقة جديدة
و نحطها تخمر
و هذي بعد ماخمرت
ندهنها بخليط البيض و الى فرن مسخن على درجة حرارة 180 درجة حتى طيب مبعد نشعل عليها من فوق باش تحمار
و يقدم
و شهية طيبة
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
رد مع اقتباس
