عنوان الموضوع : بيتزا الشبكة من مطبخي - جزائري
كاتب الموضوع : inzou07
مقدم من طرف منتديات ايمازيغن

السلام عليكم ورحمة الله تعالى
جبتلكم بيتزا الشبكة تسمات هكدا خاطر الطبقة الفوقانية تجي كي الشبكة
مقادير العجينة 3كيلات ونصف فرينة +ربع كيلة زيت +ربع كيلة سكر+ربع كيلة لحظة غبرة+كيلة وربع ماء دافئ +مغرف كبيرة خميرة الخبز+ ملح اعجنيها حتى تتحصلي على عجينة رطبة اذا ناقص الماء زيدي شوي خليها تخمر بعد غطيتيها مليح



اقسميها قرصات كيما تاع بتزا عادي وحليها رقيقة ترتاح 5دقايق
اطليها بصوص طوماط وفلفل حلو وحار وفرماج وطون

وزيدي الزيتون الأخضر والأسود اذا حبيتي انا ما حضرليش
وحلي القرصة الثانية بنفس السمك وشقي العجينة بخطوط صغيرة بالموس

يكونو متقاربين مش ياسر باش متتقطعش المهم ما تباعديهمش باش يجي الشكل متحوف



ونغطي الطبقة الأولى ونكسل العجينة باش يبان الشكل الزايد تاع العجينة قطعيه عادي ودخلي الحواف تحت القرصة الاولى باش ما تتفتحش

دخليها للفرن في الوسط تطيب على درجة 180 كي تحمر من تحت حمريها من فوق





ان شاء الله تعجبكم





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©