عنوان الموضوع : طلب الى الاخت : ام رامي - طبق جزائري
كاتب الموضوع : mira
مقدم من طرف منتديات ايمازيغن

مساء الخير ام رامي
واش راكي حنوونة
واش راهم اولادك
اليوم تسوقت وشريت العجينة المورقة وحابة ندير الميلفاي
راني حابة نتعلم بالشوية
قلت نشري العجينة المورقة ونجربها قبل
بصح مانعرفش نستعمل الفوندون
ياليت تعطيني طريقة باش نخدمو في الدار
وثاني كرام باتيسيير شريتها
قوليلي شحال استعملتي من غرام من الكرام شونتيي والكرام باتيسسر بالتفصيل
وزن العجينة 500 غ قوليلي نقسمها ولا نديرها كامل
على فكرة احنا زوج افراد برك
وكي حللتي العجينة باش تخدمي الميلفاي قسمتيها على 3
قوليلي شحال العلو نتاعها اي ارتفاعها كم من مليمتر؟؟؟
واذا زايدتلي كرام شونتيي وكرام باتيسيير نقدر نخبيهم في الثلاجة لاستعمال اخر
راني حابة نخدمها غدوا ان شاء الله
ياليت تجاوبيني دورك
ياليت تعطينا وصفة القريوش بالتفصيل الممل وبالصور
اسمحيلي كثرت عليك




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©