عنوان الموضوع : كوكا خيرمن تاع برا اللي ماتدخلش طفرت فيها - من مطبخ الجزائرية
كاتب الموضوع : khouloud
مقدم من طرف منتديات ايمازيغن

كوكا اي pizza couverte تهبببببببببببببببببببل على ضمانتي بعجينة الفيلو وراهي غير مكلفة المقادير 4كيلات فرينة 1/2 كيلة زيت ومرغربن مخلطين وملح وماء ونلم كيما عجينة البقلاوة ونديرها 10 كريات ونخليها ترتاح 30د او اكثر الحشو كيما تحبي انا ندير 2حبات بصا مقطع +4 حبات طماطم مقطعة وزيت ونقلي +ملح +فلفل اسود+كمون ونطيبوها نوليو للعجينة نحلو كل 5 كريات مع بعضاهم ونكثرو بيناتهم النشاء تولي رقيقة ندهنو البلاطو نديرو الطبقة الاولى وندير الحشو + زيتون اخضر مقطع +فرماج مقطع ثم نديرو الطبقة الثانية ونتراسيو المربعات ونديرو وسط كل مربع حبة زيتون اسود وندهنو 1/4 كيلة زيت ومرغرين وندهنو بالبيض و بالصحة والهنا اي استفسار انا في الخدمة



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©