عنوان الموضوع : اقتصادي وبنين ولوك جديد اكتر من هكا ماكاش - طبخة جزائرية
كاتب الموضوع : amira
مقدم من طرف منتديات ايمازيغن
بسم الله الرحمان الرحيم
اولا مع ىالسخانة نولو ماناكلوش حاجة المرق بزاف ونكرهو من القليان بزاف وكيما تعرفو الجنوب راه سخن الحال ودرت طبقي تفكرتكم وقلت نوريهولهم لانو ما شفت حتى وحدة دارت كيما هو رغم انو هههههه
لوبيا بلوك جديد هههههه
انا نسيت حتى بديت نطيب تفكرت نصور بصح كلش واضح وساهل
المقادير
لوبيا انا نشمخ الكيلو كي نشريه في الماء وخمارة القاطو وفي الغد نقسم حسب العائلة ممكن علي 2 او على 3 وفي الكونجليباش كي نعول ندير لوبيا نجبد وفي القدر والماء وشوية ملح ونتركها تطيب
بصل مقطع جوانح اوكيما يفضلوه العائلة
ثوم مرابي
ملح
فلفل اسود
فلفل عكري حار
فلفل عكري حلو
زيت
طماطم حب مكرفجة
طماطم مصبرة
هريسة
قرن فلفل حار مقطع رقيق انا مدرتوش ولدي صغيرممكن كي تطيب تحطيه من فوق
قصبر ومعدنوس مقطعين
نخليكم مع الصور توضح الطريقة لطبق لذيذ جدا انا عائلتي تاكلها اكتر من لوبيا مرق
هنا الوبيا طابت
كي تكون تطيب توجدي انت لاصوص
قلتلكم نسيت نصور من البداية
المهم حطيت الزيت والبصل يتقلى مليح باش يمد بنة ونضيف الثوم +الطماطم كيما شكشوكة
ثم التوابل ونقلي مللللللللللللليح نزيد اللوبيا و نمرق بشوية ماء وتاني حسب كمية اللوبيا ونمرق من الماء اللي طابت فيه اللوبيا رايح يخليها تلبي وبنييييييييييينة
نزيد الماء حسب اللوبيا تقريبا وجدت
نخليها تغلي ونضبط الملح ونذوق كاش ما خاصها
راهي تكون ثقيلة يعني تتاكل تغماس ماشي بالمغرفة هههههه:rol leyes:
في الطبق تسقيها ومن فوق فلفل حار مقطع قلتلكم انا مادرتوش ماكانش اصلا عندي خخخخخخ
زيت الزيتون ورشة معدنوس وقصبر واذا حبيتي هريسة ممممممممممممم شوفوا
قدمتها مع سلطة ووووووو حبذا لوكان مطلوع سخون
انا ولادي يحبوها خير من اللحم واقتصادية نعرفكم تحوسوا على سلك باش تقعدو في ايمازيغن ههههههه
انشاء الله تجربوها وتعجبكم
دعوة خير تكفي موااااااااااااااااااح للجميع
والسلام عليكم
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
رد مع اقتباس
