عنوان الموضوع : السفنج على طريقة جدتي ..من اسهل ما يكون - قاطوات جزائرية
كاتب الموضوع : amira
مقدم من طرف منتديات ايمازيغن

السلام عليكم اخواتي .ان شاء الله تكونو في احسن حال
جبتلكم هاد السفنج لي ماكانش اسهل منو ولي سبقتني عزيزتي الصوامعية وطلعاتو قبلي .لكن وعدتها نطلعو .
انا هاد السفنج تعلمتو على جدتي العزيزة لي حوايجها كامل هيلين ==خدمة ناس بكري ماكانش كيفها==
المهم طريقتو ساهلة جداااا جدا وخفتو رائعة
اما المقادير ..كاس كبير ماء دافي =حوالي ربع ليتر=نحطوه في غميقة ونزيدولو م ملح ونص مغرفة سكر وربع مغرفة خميرة الحلويات و م ك خميرة المطلوع ونشفو بالفرينة
العجينة تكون جارية شوي.نخليوها حتى تخمر مليح ونديرو الزيت في يدينا ونهبطوها ثم نديروالزيت في يدينا في كل مرة ونديرو كويرات وكي نتموو العجينة ...نبسطو كل وحدة بين يدينا ونثقبوها في الوسط

[

IMG]http://www.marocimages.net/images/5vh29epymmq0nbqr2ofq.jpg[/IMG]
[
ثم مباشرة الى المقلى .والطريقة عادية وكامل نعرفوها
نحمروه على الجيهتين ونصفيوه مليح والتزين اختياري ..انا رشيت سكر رطب برك

ان شاء الله نكون وفقت في الشرح ولي حبت توضيح اكثر في وصفة اختي الصوامعية تلقى توضيح اكثر .ماكانش اختلاف كبير بيناتهم
سلااااام .......موفقات اخواتي



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©