عنوان الموضوع : ديسار بارد واقتصادي - مطبخ جزائري
كاتب الموضوع : chichaki
مقدم من طرف منتديات ايمازيغن

السلام عليكم وصا رمضانكم
هذي اول مشاركة ليا في قسم عصائر وتحليات
نتمنى تنال اعجابكم وراني نستنى في رايكم



المقادير:
نص لتر حليب + 2 معالق كبار مايزينا + 2 معالق كبار سكر(أو حسب الرغبة)+ 2 باكي فانيل( أو م ص مركز فانيل)
نص لتر عصير برتقال + 2 م ك مايزينا + 2 م ك سكر
حبات من الفاكهة نقطعوهم صغار

الطريقة:
نديرو الحليب فوق النار نزيدوه السكروالفانيل و نحركو، ناخدو كاس نديرو فيه مايزينا و شوية من الحليب ولا الما، نخلطو مليح و نزيدوه على الحليب و نحركو بالطراب بدون توقف باش ما يتكورش و ما يلصقشناش و تكون النار هادئة حتى يخثر الخليط و يولي على شكل كريم. نخلوه يبرد و نخلطو معاه حبات تاع الفواكه مقطعين صغار ( أنا استعملت التفاح و لكن يمكن تختاري اللي حبيتي)
و تعمري بيه الكويسات حتى للنص و تحطيه فالثلاجة.
تاخدي عصير البرتقال تستخدمي نفس الطريقة ولكن أنا ما ضفتش ليه طريفاتتاع لفاكهة. تخرجي الكويسات من الثلاجة، خاص يكون الحليب عاقد باش مايتخلطوش لينا. و نزلو الخليط بشوية.
من بعد نزينوه إلا بغينا بالكوك أو الشكلاط....أنت أو ذوقك
ترجعيه للثلاجة حتى يبرد و بالصحة و الراحة.






©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©