اردت ان ابدأ مشواري معكم بأول موضوع و هو حصري و خاص بي من مطبخي وممكن لا يوجد حتى في كتاب
إلا في أحد المنتديات بإسمي الثاني
و باعتبار ان شهر رمضان في الصيف و كلنا نحب نديسر بأشياء باردة
و يصلح حتى تبهري الضيوف بيه
في البداية انا استغربت الفكرة لأنني وجدتها في أرشيف ماما ربي يخليها
ان شاء الله يعجبكم
و الان مع المقادير
2 حبات بيض
لتر حليب
4 او 5 ملاعق كبار سكر
2 ملاعق مايزينة
2 ملاعق كاكاو او أكثر أ حسب نوعية الكاكاو
فاني
للتزيين
كرامال او شوكولا ذايبة
مكسرات او شوكولا حبيبات
الطريقة
نفصل الصفار عن البياض
نحتفض بالصفار و نضرب البياض مع ملعقة كبيرة سكر حتى يصبح كالثلج
و الان نجيب الحليب و نسخنوه فوق النار حتي يبدا يغلي كي يغلي نقسو لنار
و نجيبو البياض لي ولا كي الثلج و نرفدو بالمغرفة الصغيرة و نحطو فوق الحليب اللي يغلي راه يطيب بسرعة و ينتفخ
نحوهم و نحطوهم في بلا انا استعملت مصفات كبيرة و وزعتهم فيها باش مايبقاش الحليب
اما الحليب نصفوه لانه ممكن يكون فيه بقايا و نخلوه يبرد ههه انا كنت مقلقة استعملت 2 كسرولات و بديت نبرد ههه
و الان نضيفولو 2 ملاعق كبار مايزينة و 2 ملاعق سكر وصفار البيضتين و نضربوهم مليح
و نقسموه على 2
النصف الأول نصيفولو لافاني
اما الثاني نديرولو الكاكاو الكمية على حساب النوعية ديالو و تان السكر اما ملعقة او 2 اذا كان مر و نحركو مليح بارد في بارد
و الان نحطو الخليط الاول فوق النار و نبقاو نحركو حتى يعقد و نحطوه فالكؤوس تاع التقديم كطبقة اولى
ثم الخليط الثاني فوق النار بنفس الطريقة حتى يعقد و يكون الطبقة الاولى البيضاء بردت نحطوه فوقها بهدوء كطبقة 2
والان نجيبو كرات الثلج اللي كنا طيبماها و نزينو بيها من الفوق كيما تحبو مذاقها رائع
و الان نعمل خطوط بالكرامال كيما درت انا او بالشوكولا الذايبة لي موجود
و الان انا زينت بحبيبات الشوكولا و انتوما كيما تحبو ممكن مكسرات مره استعملت كوكاو مطحون جا هايل
ان شاء الله يعجبكم موضوعي
و اري رأيكم و ردودكم المشجعة
كي اقدم المزيد
تحياتي
رد مع اقتباس
