عنوان الموضوع : جديد عصير الجزر رووووووووووووووووووعة - من مطبخي
كاتب الموضوع : salima
مقدم من طرف منتديات ايمازيغن

السلام عليكم
اليوم جبتلكم عصير هايل بعد ابحاث عديدة لرائحة الجزر لقيتلكم وصفة روعة
4 حبات جزر قشريهم ونحيلهم الجزا الأخضر هو الي يطلق المرارة والذوق تاع الجزر السامط هههه
قطعيهم وحطيهم في الكوكوطة مع شوية ماء وسكري عليهم وخليها طيب
من بعد الطياب خلي فيها غير شوية ماء ورشي عليها السكر انت والذوق تاعك وخليها تتكرمل شوية مع نصف ليمونة لوحيها كيما راهي
لما تتكرمل صبي عليها كاس عصير نفضل تاع البرتقال او الأناناس
وخليها نحيها من فوق النار خليها تبرد شوية ضفي علها باط ياغورت بطوش نفضل ذوق حب الملوك او الخوخ
وكاس ماء ونميكسيها مليح وحطيه يبرد وبالصحة والهنا
نخليكم مع الصور


[img]http://www.up.djelfa.info/uploads/138469006103981.jpg[/img]



اذا عجبكم متنساوش تدعيولي
راني مصورتش كامل الخطوات كنت مشغولة بزاف لكن لما نعاودو راح نحطلكم الصور كامل



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©