عنوان الموضوع : ♥♥♥ فلــــــــون في الفرن بطبقتين ولا أروع ♥♥♥ - من مطبخي
كاتب الموضوع : مريم
مقدم من طرف منتديات ايمازيغن



اليوم جبتلكم فلون يطيب فب الفرن بطبقتين نبدلوا من طبقة وحدة تبعوا معايا سهل التحضير ويحمر الوجه ويصلح للضياف خااااصة والذوق هايل ليست بمجاملة جربوه وقولولي
نحتاج كالآتي
**
**
**
**

~~الطبقة الاولى~~
-- 6 صفار بيض
-- 450 ملل حليب بارد
-- 6 ملاعق كبيرة سكر
-- م ص فاني
-- رشة ملح


نضربالصفار + ملح ملييح + السكر حتى يبياض الخليط ونزيدولوالحليب ونضرب غير شوي وخلي هاذ الخليط بجهة




~~ الطبقة الثانية ~~
-- 6 بياض بيض
-- 6 ملاعق كبيرة سكر
-- رشة ملح
-- م ص فاني
-- م ك فرينة
-- م ك نشا
-- 2 م ك لوز محمص مرحي أو كاوكاو


نخفقالبياض مع الملح حتى يطلع كي الثلج + السكر ونزيد نخفق حتى يتماسك شوي


ونضيف المكونات الجافة الاخرى


ونحرك بالسباتولا أي نقلب الخليط بالراحة حتى تتجانس المكونات كامل مع بعض


يكونوا واجدين لاثنين


حضري لي مول لي مول ديري كيما تحبي زجاج ، سيليكون ، حديد


هنا درت كمية في قالب السيليكون
حطي شوي من الخليط الاول لي فيه صفار على نصف مستوى المول وزيدي فوقو الخليط الثاني




حضري الكراميل سكر فقط خليه يذوب وياخذ لون الكراميل نصبها في مول انا درت في مول الكيكك خليها تبرد شوي (( لازم ديري الكراميل ))



وصبي الخليط الاول يكون سائل كيما توضح الصورة يكون في نصف المستوى من المول



ونزيد فوقو الخليط الثاني نتاع البياض ونعدلو بالسباتولا نت فوق
نحط المول في صينية فيها ماء يطيب في حمام مائي


الفرن يكون سخخون بربع ساعة قبل بدرجة 180° وحطيه يطيب حوالي 40د كي تشوفيه أحمر من فوق خرجيه خليه يبرد نصف ساعة
بعد ما طاب


وحطيه في الثلاجة يبرد مليييح

ملاحظة : قبل ما تقدميه بنصف ساعة قلبيه في صحن ورجعيه للثلاجة لان الطبقة الثانية هي لي تكون تحت عند التقديم وتكون اسفنجية باش تتشرب شوي بالكراميل OK؟؟؟



وتقدميه تزينيه كيما تحبي وبكريمة الشانتيي يجي هاااااااايل أو بالفواكه




نتمنى تجربوه واذا عجبكم ادعولي
بالصحة والراحة
في أمان الله



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©