عنوان الموضوع : mousse au chocolat - عصائر و تحليات
كاتب الموضوع : admin
مقدم من طرف منتديات ايمازيغن

السلام عليكم
اليوم جبتلكم وصفة موس الشوكولا مجربة مني و ذوقها ممممممم هايلة و لكن ما صورتش الطريقة اسمحولي و لكن ساهلة
المقادير
125غ شوكولا سوداء
- 8 سل كريمة طازجة creme fraiche
- 2 صفار بيض
- 3 بياض بيض
- 30 غ سكر
* ملاحظة اذا كانت الشوكولا لي درتوها حلوة ديرو نصف مقدار السكر اي 15غ سكر كيما انا درت اومباسادور السوداء و جاتني لاموس حلوة بزاف

طريقة التحضير
في كاسرونة ديري الشوكولا و الكريمة الطازجة و كي تذوب الشوكولا خلطي مليح و خليها تبرد و من بعد ضيفيلها صفار بيضتين و 15غ من السكر و خلطي المزيج مليح
و من جهة اخرى جيبي بول un bol و ديري فيه بياض 3 بيضات و قرصة ملح و 15 غ سكر و خلطي حتى يطلع بياض البيض مليح .
و كي تكملي هاذ العملية ادي شوية من خليط بياض البيض اللي في le bolو اضيفيه لخليط الشوكولا و خلطي من فوق للتحت باش مايتكسرش خليط بياض البيض و كي تكملي ندو هاد الخليط لle bol وتخلطي كيما الخليط الاول . و هنا جيبي الكؤوس تاعط و ديري فيهم هاد لاموس و حطيهم في الثلاجة لليلة كاملة او 7 ساعات على الاقل و هايليك لاموس تاعي لي درتها

و دركا لي ما فهمتش نفهمها و راني نستنا في الردود تاوعكم



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©