عنوان الموضوع : les crèpe بطريقتي - قاطو جزائري
كاتب الموضوع : admin
مقدم من طرف منتديات ايمازيغن

سلام عليكم ورحمة الله وبركاته ان شاء الله تكونو كامل لباس عليكم
ليوم راني جبتلكم طريقتي في تحضير لي كراب بوصفة وطريقة التقديم
نبدا على بركة الله
المقادير
4بيض + 2 ملاعق كبار سكر + ملعقة صغيرة لافاني بودرة + 50غ زبدة طرية + نصف لتر حليب دافىء + 250 غ فرينة مغربلة+ كاس شاي تاع ماء زهر
التحضير
نحلط بيض مع سكر مع لافاني مليح بلخلاط


وزبدة

والحليب و ماء الزهر

وفي الاخير الفرينة ونحلط مليح ونخليه يرتاح مليح من نص ساعة لفوق

من بعد ناخد مقلاة تيفال ةندهنها في المرة الاولي بلزبدة ونعمل عليها عادى وهادي اول حبة

وهنا بعد ماقلبتها نتفخت وجات خفيفة كي ريشة وهاكا كملت كامل الكمية


نروحو دروك للكريمة ولي هي كريم شانتي مع كريم ديسار كراميل ونخلطهم مع بعض

ونحتاج ايضا كوكاو محمص ومدشش وكراميل عادي سكر وماء على نار



وهنا نبدأ تحضيرها نحط حبة كراب وعليها شوية كريمة و كوكاو وشوية كراميل ونحط حبة تانية ونكرك نفس عملية على 7 او 8 طبقات


وهنا جيت نصورهالكم كاملة لقي شعب المناضل ضرب نصها والله تغفلي راحت عليك

ان شاء الله مانكونش طولت عليكم ويكون الموضوع تاعي عجبكم




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©