عنوان الموضوع : وصفة لي شوصون بالتفاح من مطبخي بالصور - حلوى جزائرية
كاتب الموضوع : amira
مقدم من طرف منتديات ايمازيغن

بسم الله الرحمن الرحيم
والصلاة والسلام على رسول الله
اليوم بإذن الله عندي ليكم وصفة لي شوصون بالتفاح وصفة سهلة جدا لذيذة و مقاديرها بسيطة
نحتاجو عجينة مورقة
حشوة التفاح وهي رابيت في مقلة 2 تفاح + 2 إلى 3 ملاعق سكر عادي +ملعقة صغيرة زبدة + كيس فانيليا نحط فوق النار ونحرك حتى يذبال
البيض للدهن من الأحسن صفار فقط

طبعا نفتح العجينة و نقطع دوائر ثم نزيد نفتح الدوائر في الوسط حتى نتحصل على شكل بيضوي
أنا هنا قطعت مستطيلات باش ماتبقاليش العجينة مانحبش نرميها خسارة
ندهن نصف المستطيل و نضع ملعقة أكل من الحشو لازم يكون بارد


نغلقهم جيدا و نستفهم في صينية الفرن تكون مرشوشة بالماء أو إستعملي ورق الزبدة أحسن
ندهم بالبيض ثم نعمل خطوط برأس السكين على شكل زخرفة ثم ندخلهم الفرن يطيبو من تحت





كي يطيبو من تحت نطفي و نشعل من فوق حتى يحمارومليح ثم نجبدهم و ندهنهم بالعسل و نرجعهم للفرن شاعل من فوق ثواني فقط إلى دقيقة باش يكتسبوا بريق و لمعة جميلة ممممم




و قدميهم لعائلتكي بالصحة و الراحة














جربوهم و رجعولي الخبر
حقى العجينة دائما نستعمل لي نخدمها جامي نشريها و هاذي هي في الرابط


http://imazighen.univanet.com/showthread.php?t=1327489

دعيوة خير



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©