عنوان الموضوع : رفيس بالاعشاب و زيت الزيتون على طريقة ناس زمان - حلوى جزائرية
كاتب الموضوع : admin
مقدم من طرف منتديات ايمازيغن

جبتلكم اليوم رفيس كانو يديروه ناس زمان بالاعشاب و اليوم امي دارتو قلت نصورو و نحطو لحباباتي في ايمازيغن هكا باش نتعرفو على عادات بعضنا البعض
احنا عادة نطيبو الحرشة (حنا نسميوها المبسس) و نطحنوها و زيدولها الزبدة و هذا هو الرفيس نتاعنا
لكن اليوم حبيت نوريلكم طريقة قديمة وين كانو يضيفو الاعشاب
هذه صور بعض الاعشاب لي تستعمل
الطريقة كالاتي
سميد متوسط ( يلا كان دقيق الشعير افضل او نخلط سميد مع دقيق الشعير)
زيت زيتون
اعشاب طرية مطحونة
ملح
ماء
القليل من السكر
ناخد السميد و الاعشاب و نزيد عليها زيت الزيتون بكمية كافية باش نبسس كامل السميد كيما في الصورة
نجيب الماء نزيدلو الملح و نخلط حتى تذوب الملح و نخلط بيه السميد بلا ما نعجن نلمو برك
نكونو موجدين طبق فيه شوية سميد نحطو فيه العجين لي لميناه و شكلناه كرة
نقرص العجين باستعمال السميد باش ما يلصقش و نكونو سريعين في هذه المرحلة باش ما يجيناش الرفيس يابس
نديرو الخبزة تطيب في الطاجين فوق الطابونة
نقلبو الخبزة على الجهتين حتى تطيب
من بعد ندقو (نطحنو) الخبزة كيما ناس زمان بالرزامة نتاع الخشب
نديرو السكر و زيت الزيتون
و شهية طيبة



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©