عنوان الموضوع : اللى عاوزه تغير لون شعرها اسرار الصبغة لتحصلي على اللون اللى انتى عوزاه فى البيت - العناية بالشعر
كاتب الموضوع : chichaki
مقدم من طرف منتديات ايمازيغن


الســـلام عليكم
ازيكم يا عـــدولات
بصوا بقى فى كتير منا عايزة تصبغ لون معين و لما بتعملو فى الكوافير ساعات مش بيطلع اللون اللى هى عوزاه و لما بتعملو فى البيت ساعات بيديها درجات الاورنج و الاصفر المحمر وده بيبقى شكلوا مش حلوو خالص و غالبا مش بيعجبها

و اكترالوان بتعجبنا هى اللى بيعملوها الممثلين الاجانب لكن للاسف كتير منا مش بتتطلع معاه نفس الدرجة
و بخبرتى المتواضعة فى صبغ الشعر هقولك اسرار الصبغة و ازاى تجيبى الالوان ديه
اول لون و هو اشقـــــــــــــــر رمـــــادي فاتــــح



ودى طريقة الحصول علية وهو لووون روووووعة بس عمر ما كوافير هيعرف يطلعهوليك الا الكوافيرات الغالية اوى الخبرة و هو بيليق فى البشرة السمرة اوى و البيضا كمان
الاول تجيبى بودرة تشقير الشعر و الميش و اكسجين 30% لو شعرك طويل هياخد علبتين ( او 7 اكياس ) بودرة تشقير و علبتين اكسجين بالبلسم ( ضرورى بلبلسم عشان ميخشنش الشعر و ده بيجى من اى صيدلية ) و تخلطيهم كويس و تحصيهم على شعرك بالتساوى و تستنى لحد ما شعرك لونو يفتح اووووووووووووى ( بصى بعد متخسلية مش تتفزعى من اللون هو لازم يديكى على اصفر على برتقالى بس لازم يبقى فاتح جدا ) بعد كده روحى هاتى الصبغة و نوع الصبغة اللى هتجبيها بيفرق لاااازم تجيبى صبغة كوليستون هى الوحيده اللى هديديكى الدرجة دى لان لوريال هتقلب معاكى ببرتقالى بعد عده ايام و باليت مفيهاش اصلا الدرجة دى و غرنية هتديكى احمر غزالى انتى لااااازم تجيبى كوليستون اشقر رمادى فاتح وهى رخيصة جداا بس مش بتنشف الشعر ولا حاجىة اهم حاجه حمامات الكريم
بعد الصبغة

اشقر رمادى فاتح 8/1 و تحطية 35 دقيقة و اغسلى شعرك و ادعيلى بس لازم تكون الصبغة مغطية شعرك كولو عشان ميطلعش لوون و لون يعنى هاتى علبتين صبغة !

تانى لون وهو اشقر رمادى متوسط و هو الهادئ جدا




هتجيبى بودرة التشقير و الاكسجين 30% بالبلسم زى ما مشروح فوق و تحطيهم على شعرك لحد برضو ما يبقى فاتح جدا لان هنا الصبغة هتغمقوا و هيبقى برضو مديكى برتقالى مصفر و بعد كده تجيبى كوليستون اشقر رمادى متوشط الصبغة مش الرغوة عشان تعض معاكى فترة اكبر بس لاااازم كوليستون و تحطيها على شعرك و هووو ناشـــــــــــف ( لازم ميكونش مغسول ) و تستنى 35 دقيقة و ادعيلى ! و اللون ده انا عملاه لنفسى و طالع زى الصورة دى بالظبط

ودى الصبغة اللى استخدمتها



اشقر رمادى متوسط 7/1

اتمــنى اكون افـــدتكم

قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©