عنوان الموضوع : قاطو الكافي (le café) - قاطو
كاتب الموضوع : inzou07
مقدم من طرف منتديات ايمازيغن

بسم الله الرحمان الرحيم
كيما وعدتكم اخواتي تفضلو الوصفة نتاع القاطو لي طلبتوه و اسفة على التاخير
250 غ فلوريال 200 غ سكر رطب 100 غ نشاء 3 صفار بيض قرصة ملح مغرفة كبيرة فاني نص باكي خميرة القاطو 100 غ نوازات محمصة و مرحية رقيق مغرفة صغيرة لاروم نتاع القهوة و تنشفي بالفرينة

نخلط الزبدة و السكر مليح مبعد نزيد الصفار مع لفاني و قرصة الملح و نخلط و نزيد النوازات و النشاء و اخيرا لفرينة و الخميرة حتى تولي عجينة مليحة ميش يابسة مليحة برك

نشكل كويرات وزنها تقريبا 28غ و لي تحب تنقص تقدرو ديرو 27غ و لا 26 غ ثاني جي مليحة

و كي نكملهم اكل بالميزان نديرهم في المول تاع السيبيكون يكون اوفال

نحطهم يطيبو في فور تكوني مسخناتو قبل و كي تشوفيهم حمارو خرجيهم و خليهم يبردو باه تنحيهم لازم لازم يبردو ملييييييييييييح باه تنحيهم من المول و الا رايح يتكسر

و كي تنحيه ذرذري عليه السكر لرطب و مبعد احشيه بالكابريس لي تكوني ذوبتيه في حمام مريم مع شوي زبدة و شوي شوكولا و نيسلي و تزينيه بخطوط شوكولا
rl=http://www.gulfup.com/?daCcHY][/ [ur

و لا ديري حبة لوز فوق الحشو ثم خطوط الشوكولا

و لكم مني اطيب تحية اخواتي و ادعيولي ربي يحمي زوجي و يسهلو كل صعيب يا رب



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©