عنوان الموضوع : *-* أحلى وأخف و أسهل **بان كيك** لعيونكم الحلوين *-* - حلويات جزائرية
كاتب الموضوع : kouka
مقدم من طرف منتديات ايمازيغن




إليكم هذه الطريقة لتحضير **البان كيك** فعلا رائع شكلا و مذاقا و خفيف جدا تاكلي منو ما تشبعيش يميم







المقادير بسيطة جدا:



150غ فرينة + 1 م ك سكر عادي + ربع م ص ملح + 1 م ص خميرة الحلويات+1 م ك زبدة مذابة + 2 صفار بيض + 2 بياض طلعيهم كالثلج مع قرصة ملح + 150 مل حليب بارد




التحضير سهل جدا:



ضعي كل من الفرينة و السكر و الملح و الخميرة و الزبدة و الصفار مع بعض في صحن و بالفوي اخلطي مع إضافة الحليب تدريجيا




و اخلطي جيدا حتان تتجانس المكونات و ما تبقاش تكتلات نتاع الفرينة




ثم ضفي نصف بياض البيض اللي كنت ضربتيه من قبل و اخلطي بالملعقة من أسفل إلى فوق ثم ضفي باقي البياض و اكملي الخلط دائما بالملعقة من أسفل إلى فوق باش ما يخرجش الهواء من البياض



حتان يتجانس الخليط و تولي ما تشوفيش قطع الثلج




سخني مقلاة ما تلسقش و ضعي فيها في كل مرة قطعة زبدة صغيرة و مرريها على المقلاة ثم انقصي للنار لازم تكون متوسطة





و افرغي بملعقة الكبيرة نتاع المرق من الخليط في المقلاة و مرري ظهر الملعقة من فوقه باش تشكلي قرصة دائرية ماشي رقيقة و ماشي خشينة




و خليها طيب مدة نصف دقيقة و طلي عليها من تحت ساعة على ساعة كي تشوفي إذا شفتيها حمارت و عملت فقاعات من فوق اقلبيها و خليها نصف دقيقة أخرى مع مراقبتها دائما








وهام ليكم واجدين خفاف و يهبلو اممممممممممممم









تزيينهم اختياري تحبيهم بالعسل أو المربى أو بالشوكولا مع مكسرات من فوق



أنا رشيت عليهم شوية سكر رطب و زينتهم بصلصة الشوكولا هي عبارة عن شوكولا مذابة ضفتلها الحليب حتان ولات شوية سائلة











و شهية طيبة



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©