عنوان الموضوع : دلعى نفسك بالعطورالطبيعيه - العناية بالجسم
كاتب الموضوع : madiha
مقدم من طرف منتديات ايمازيغن

مساج الفلفل لشفايف أكثر امتلاءً
ناس كتير سألتني عن طرق طبيعية لنفخ الشفايف، علشان كده أنا النهارده جايبة لكم سر من أسرار التجميل اللي بتستخدمه كبرى شركات مستحضرات التجميل في الكريمات الخاصة بامتلاء الشفايف، وهو الفلفل الحامي سواء الأخضر أو الأحمر.

ممكن تجيبي الفلفل وتفتّحيه وتعملي به مساج لشفايفك، وده هيسبّب لها التهاب آمن، وهيزوّد حجمها ويخلّيها ممتلئة.

وصفات طبيعية لأسنان ناصعة البياض
ممكن نحط ملح أو عسل أبيض على معجون الأسنان، بس المعجون يكون أكتر، وده بيدّي بياض ناصع جدا.

نقدر كمان نستخدم قشر البرتقال وقشر الليمون ونطحنهم ونخلطهم مع شوية بيكربوناتو، وندعك أسناننا بالخلطة دي بعد ما نغسلها بمعجون الأسنان.
عطور للجسم برائحة الفانيليا والزهر الفرنسي
المقادير:الطريقة:
هنضيف 3 ملاعق متوسّطة من أي زيت عطري نختاره سواء كان الفانيليا أو الزهر الفرنساوي، وهنضيف زيت اللوز لأنه بيرطّب الجلد وبيخلّي نسبة السبرتو مش جامدة أو مؤذية للجلد، وبعد كده بنضيف زيت الورد، وبنرج الزجاجة كويس ونسيبها أسبوع أو 10 أيام أو أكتر علشان يختلطوا مع بعض، وبعدها هنحطّه في زجاجة برفان عادية.

معلومة ع الماشي
لما بنستخدم كريم مرطب على سطح الجلد، فده بيرطّب سطح الجلد الخارجي فقط، لكن الطبقة الداخلية بتحتوي على كولاجين وألياف مرنة جدا مسئولة عن ليونة البشرة وبتخلّيها شباب دايما، والماسكات والزيوت الطبيعية لها القدرة الأكبر على التوغّل في طبقات الجلد الداخلية علشان تقوّي نسبة الكولاجين والألياف.

كوكتيل للتخسيس
المقادير:
3 ملعقة كبيرة بذور كرفس
3 ملعقة كبيرة بذور بقدونس

الطريقة:
هنخلط بذور البقدونس مع بذور الكرفس ودول بنجيبهم من عند العطار، وبعد كده بنستخدم ملعقة صغيرة من الخليط ونغسلها كويس بالميه علشان لو فيها تراب، وبعدين بننقعها في شوية ميه، ونسيبهم لمدة ساعتين أو 3 ساعات، وبعد كده نحط عليه ميه سخنة بس ماتكونش مغلية، وبعد كده نشربه وبالهنا والشفا.

والكوكتيل ده بيساعد على التخسيس؛ لأنه بيسيّح الدهون الموجودة جوه الجسم، بالإضافة إلى إنه مفيد للكلى.

ماسك للبشرة والشعر
المقادير:الطريقة:
هندوّب العسل في عصير البرتقال ونحطّه على البشرة، ونسيبه لحد ما ينشف، وبعد كده نغسل وشنا بالميه العادية.

أما لو هنستخدمه على الشعر فبنستخدمه طبعا بعد غسل الشعر بالشامبو، وبالنسبة للشعر الجاف أو العادي بنضيف قطعة بلسم أو حمام كريم على البرتقال والعسل، وبنسيبه على الشعر من 30 : 45 دقيقة، وبنحطّه على فروة الشعر كلها وكمية قليلة منه بنحطها على الشعر نفسه.

وبنحتفظ بالماسك ده في الثلاجة لمدة يومين أو ثلاثة وممكن نستخدمه بشكل يومي، وهو مناسب لكل أنواع البشرة، وكمان بيغذّي الشعر وبيدّي له رونق وحيوية ولمعان.

قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©