عنوان الموضوع : حلويات نفاس اختي الصغرى تفضلوا غالياتي - قاطو جزائري
كاتب الموضوع : hanan
مقدم من طرف منتديات ايمازيغن

السلام عليكم اخواتي في الله

كنت غايبة عليكم لكن راكم في القلب ان شاء الله راكم كااااامل بخير
نشكر كل الاخوات لي سألو عليا انا الحمد لله لاباس فقط كنت مع حلويات نفاس اختي الصغرى ربي يشفيها ويحفظ مولودها ويجعله من الذرية الصالحة ولعقوبة لكل حوامل المنتدى ولكل الاخوات لي متمنيين الامومة ربي يرزقهم الذرية الصالحة المعافاة

جبتلكم صور الحلويات لي عملنا ان شاء الله يعجبكم واي سؤال انا في الخدمة


اولا الرفيس ونسموه ايضا زيراوي قدمناه مع اللبن بالنسبة للطريقة نطيب شخشوخة الفطير عادي
من بعد نفتتوها ونخرجوها في السيار نتاع الشخشوخة
نضيفلو الغرس ونعاود نخرجو في السيار من بعد نفورو ونضيفلو شوية عسل والزبدة ويقدم ساخن مع اللبن
هنا زيناه برقائق اللوز محمصة والسكر رطب

http://

من بعد قدمنا هذا الحلويات مع الحليب والقهوة

اولا المقروظ سبق وحطيتو موضوع


http://

البقلاوة عملناها عادي وبواسطة طابع ال****اج زيناها من فوق

http://

http://

حلوى السلطانيات سبق وعملتها موضوع فقط غيرنا البندق بالصنوبر

http://

http://

المخبز ان شاء الله نحط الوصفة خطوة خطوة

http://

http://

حلوى بالكورن فلكس عبارة عن عجينة صابلي نطيبها في لي مول من بعد نحشيها بنوتيلا مع نوادكوكو ونزينها بالكورن فلكس ولي سوغيز كونفي]

http://

حلوى الملفوف سبق وحطيتها ايضا موضوع فقط غيرت عجينة اللوز الاصطناعية البيضاء بالبنية ضفتلها شوية كاكاو من بعد مسحت عليها ملمع ذهبي رقيق لي يجي على شكل غبرة بالبانسو عملتو اوراق وضغط على الجانبين باه الورقة تاخذ الشكل المائل وزيناها بملمع ذهبي

http://

http://

حلوى الجلجلانية سبق وعملتها موضوع فقط نقصت في السكر عملت 3م ك بدل 5م ك وعسلها في عسل مخفف بماء الزهر باه تبقى طرية لمدة اطول من بعد حطيتها تقطر ودهنتها بشوية من لاجولي وحبات اللوز ايضا دهنتهم بالناباج تعطيه لمعة وشكلو يجي شباب

http://

واخيرا الزرير نحمص القمح والحمص ومكسرات ونرحيهم نذوب الزبدة والعسل ونحط كمية منه
هنا زيناه بالبيستاس وورود من عجينة اللوز

http://

هنا صورتهم مع بعض من مطبخ اختي طبعا ما نقدرش نصور السنيوة قدام الضياف

http://

ان شاء الله عجبتكم الحلوى ولا تنسو اختي من صالح دعائكن لها ولمولودها ولكن بالمثل

في امان الله




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©