عنوان الموضوع : قاطو من مطبخنا - حلوى جزائرية
كاتب الموضوع : khouloud
مقدم من طرف منتديات ايمازيغن

أهلا وسهلا بالغوا لي اليوم حبيت نشارك معاكم هذه الوصفة لي مدتهالي إحدى الأخوات وجربتها
في الحقيقة كتبت لي في العنوان قاطو وماعرفتش واش اسمو ههههههههه فخليت المهمة للهلوبة المنتدى الحبوبة الهام هي تسميه راه عندي اسبوع وانا حابه نحط الموضوع لكن المنتدى ماساعدنيش راح نحط 3صور ونحاول نعدل من بعد ان شاء الله
المقادير هي
250غ زبدة 6صفار بيض كأس سكر ناعم وكأس مايزينة و1 ونصف خميرة الحلوى ومبشور القارص والفاني وفرينة
الحشو 250غ كوكاو محمص ومرحي نلمه بعلبة ونصف شوكولا ذايبة ونشكل كويرات صغيرة اصغر ملي راني دايرتهم في الصورة لاني نقصت منهم جاوني شوية كبار
نضع صفار البيض والمرغرين لي بدرحة حرارة الغرفة ونخلط ثم نزيد السكر والفاني والمبشور نواصل الخلط بالبد فقط ومن بعد ندير المايزينة والخميرة ونزيد الفرينة حتى نتحصل على عحينة طرية وماتلسقش في اليد
نأخذ جزءمن العجين ونضع في الوسط كويرة الحشو نغلق حيدا نضع الكويرة في الفرينة تم المول ليسهل نزعها فيما بعد وننقش بالنقاش الشكل الموضح نضع في الوسط لوزة مبللة ببياض بيضة نواصل العمل بنفس الخطوات حتى نكمل الكمية لي عندي ندخل الصينية للفرن لمل يطيب راح يتنحى بسهولة عسليه بالعسل المخفف بماء الزهر انا ماكانش عندي درت ماء مع عطر الزهر وخففت بيه العسيلة مع عصرة قارص
البياض الباقي ديري كل 2 مع بعض وخبيه في المجمد لوصفات اخرى مثل المورانغ
والخطوات واضحة من خلال الصور
ودعوة في ظهر الغيب تكفي وتزييييييييييييييييد














































©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©