عنوان الموضوع : قريوش بشكل جديد وجميل - جزائري
كاتب الموضوع : kamiliya
مقدم من طرف منتديات ايمازيغن

بسم الله الرحمان الرحيم المكونات
4 كيلات فرينة
كيلة سمن ذايب
بيضة
رشة ملح
كيس خميرة حلوى
ماء وماء الزهر للم العجينة الطريقة

نحضر العجينة ومن المستحسن تكون يابسة شوي
نخليها ترتاح ملييح

نحلها في الماشينة في الرقم 3
انا المشينة تاعي 1 هو الطبقة الرقيقة خلاص
وكاين للي العكس يعني 7 هي الرقيقة

المهم تكون ماقبل قبل الاخيرة في كل حبة نحتاجو 3 دوائر كبار ودائرة واحدة اقل منها

نلصق الاربع دوائر فوق بعض ببياض بيضة ببانسو مانخرجش للحواشي
نندهنو في المركز فقط






ونضغط على الزوايا الاربعة مليييح

حتى نتحصل على الشكل ومن بعد نقليها في زيت غزير ودرجة حرارة متوسطة
كون تعود النار قاوية ما يتنفخوش ويحمارو
وكون تعود النار هادية تبقى نية

لازم نراقبو مليح الحرارة
ونقلبوها تطيب على الجهتين
بعد ماتحكم الشكل

العسل غير مخفف باش ماتطراش وبالصحة و انشاء الله تعجبكم



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©