عنوان الموضوع : سروال شلقة ****بمراحله**** - خياطة و تطريز
كاتب الموضوع : admin
مقدم من طرف منتديات ايمازيغن

السلام عليكم ورحمة الله تعالى وبركاته
اليوم حبيت نقدملكم بعض المراحل لخياطة سروال شلقة
بالتاكيد ما رانيش الاولى لي تحط موضوع السروال لاكن كي قمت بانجاز هاد السروال حبيت نوضع كموضوع وان شاء الله يعجبكم
السروال متكون من قطعتين القطعة الاولى حرار والقطعة الثانية دوبلوغ متكون من ساتان


بعد ما فصلنا القطعتين بنفس القيس نغلق البانسات المتواجدان في اعلى السروال 2بانسات في الامام 2 بانسات في الخلف
ثم نخيط جانبي السروال واسفله بلا ما ننسا نترك مكان الشلقة ونخيط بالسرفيلاج اطراف السروال باش تكون عندنا خدمة مقيه
وهتدا الشكل لي نتحصل عليه

وهاد المراحل الجاية تبين طريقة لوغلي في الشلقة واسفل السروال






وهاده طريقة خياطة الفرميتور
نضع الفرميتور من الاحسن تكون انفزيبل نحطها في مكانها ونضغط عليها مليح ونجوز عليها بالخياطة نحرص ما نكملش الخياطة حتى نهاية الفرميتور ثم نخيط الجهة الثانية لالفرميتور بنفس الطريقة ثم ناخد ذيل الفرميتور و كيما راكو تشوفو في الصورة وان شاء الله تكون واضحة







ننتقل الى الحزام
عند انتهاء من خياطة الفرميتور و لوغلي نصل الجهة العلية مع السفلة حيث يكون قفى الجهة السفلة مع قفى الجهة العلية
نخيط الاثنين مع بعض من الاعلى بالمشينة ونخيط الشلقة مع بعض باليد بحيت تكون الخياط بغرزة متباعدة و ما تبانس على وجه القماش
في الاخير نركب الحزام وهادي مراحله وان شاء الله الصور تكون مفهومة

هنا عندنا للحزام فصلناه وفصلنا معاه الفزلين ونحدد هادة الاخيرة على الحزام باه يوقف ويكون عندو شكل جميل


نخيط الحزام على السروال بالمشينة بهاد الطريقة ثم نقلب الحزام لالداخل ونخيط بالابرة بغرزة متباعدة كيما راكو تشوفو في الصورة الجاية
اتاسف على صورة ناقصة وهي تبين تركيب القفلة او تريتقة في الحزام وهي اخر مرحلة


هاد السروال تقدري حتى تتمزجي لونين مع بعض متل هاده الصور لي صورتهم من مجلة Lalla N 01

[







©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©