عنوان الموضوع : قد حيرني عملك يا مساعد التربية وعمل اشهار بدون مقابل - تعليم جزائري
كاتب الموضوع : مريم
مقدم من طرف منتديات ايمازيغن

جماعة
السلام عليكم
راني حاير في ناس يضعون مواضيع (برنامج شهادة مدرسية ، برنامج عمل مواقيت الاستاذ، اكسل لعمل معلقات من أ - زاد ، وزيد وزيد من برامج لاتعني شيء )
اخي المساعد التربية ان ادراج مواضيع مهرجة مثل هاته المواضيع فأطلب منك أن تنظر الى وزنك في المرآة ولو للحظة سوف تجد نفسك على رقم 7أو8أو10 فقط والذي يقوم بهاته الأعمال لايتعب نفسه في مواضيع تافهة مثل ماقمت به أنت حتى وأن تلك الأعمال يقوم بها هو
اذا أردت أن تكتب مواضيع مثل هاته فأنت تقوم باشهار مجانا لغيرك
وأنصحك أن تكتب على جبهتك بعنوان عريض أنا أعمل لأسيادي ببلاش لأنني لاأعرف مصلحة نفسي وعمري هي في سبيل رفع القفف

هاك هذون الأبيات بلاك نصنع لك قلب

سربيلي كاس بالنعنــاع بنين ***** زيد اعطيني ڨـــارو نتونس بيه

واسمح لي نحدثك على الوقت الشين ***** ذا الوقت لي كهمومــه كي غاشيه
ضاع الوعد وماتلا للناس يمين *****ولى العلـــم لا الجهـــل يقود فيه
وعم الظلم وشاع ياويح المسكين***** وياويح لي بلا اكتاف وطاحت بيه
وتلف الحيا ومابقا للغاشي دين***** غي دين الهدرة بـــــلا فعل يزكيه
وجار الفسق وجاهرو بيه الشينين***** وبار الصدق وبار من يتحدث بيه
مول العلم بين الناس أحزين***** والجاهــــــل مبسوط لا من ينويه
واحد عايش عيشة أهنا وتسلطين***** ولآخر غي هم الزمان يكاوح فيه
واحد حاير في عشاه يجيه منين***** ولآخر طامع في السما باغي يشريه
واحد الصحة التامة والعظم متين *****ولآخــــــر ذبانة تخاف تحط عليه
واحد زهره وين يصد يصيب عوين***** ولآخر زاهد سعده مالقى لمن يعطيه
واحد كامل في العقل ثابت ورزين***** ولآخـــر صوفة طايرة عقله خاطيه
واحد حاصل في الصلا يبداه منين***** ولآخـــر يعرف للكتاب وسامح فيه
واحد مرته جامعة للحيا والزين***** ولآخر عـــــواوة وثاني تحكم فيه
هـــالاه الدفلة تولي عسل ابنين***** ويولــــي شهـــــد النحل لمن يشريه
ولد البية يطيح في القيمة ويهين***** وديره الكـــــلاب صيد وتنبح بيه
والدين لي كان عند اصحاب الدين***** ولات الفســـــاق تشري الدنيا بيه
سربيلي كاس بالنعنــاع بنين***** زيـــد اعطيني ڨارو نتونس بيه



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©