عنوان الموضوع : طبق المحشي الدايت من مطبخ كلمة حق وبس - أطباق رجيم
كاتب الموضوع : chichaki
مقدم من طرف منتديات ايمازيغن

طبعا كلنا بنموت في المحشي وعادة مبنستحملش نشوف طبق المحشي قصادنا من غير ما نخلص علية
طيب اية رأيكو نكسر القاعدة دى ونعمل محشي دايت
محشي تاكلى منة براحتك وتخسي طب ازاى؟ تعالي اقولك
حضرى ورقة وقلم واكتبى المقادير ل(محشي الدايت)
ميت جرام ارز مغسول كويس علشان نتخلص من النشا الابيض اللي فية
2-2حزمة بقدونس
3-واحدة كسبرة وواحدة شبت
4-بهارات وشطة وملح وفلفل
5- واحدة بصلة مبشورة مع معلقة صلصة واربع طماطمايات مبشورين وفص توم (اختيارى)
6- اى نوع محشي (كرنب - ورق عنب- بازنجان -فلفل-طماطم -كوسة) اى نوع
طريقة العمل :
نخلط المكنونات مع بعض نى في نى من غير تسبيك ومعاهم معلقة صغيرة زيت زيتون او معلقة صغيرة زبد بلدى
ونبدا الحشو وعندما ننتهى نرفعة علي النار ونشربة شربة فراخ او لحم منزوع الدسم او لو مفيش
يبقي نعمل واحدة ماغي شربة ونسقي بيها المحشي
النتيجة:
طبق محشي محصلش وكلى منة زى مانتى عايزة لانة دايت وممكن جنبة فراخ وسلطة
لانة لا يحتوى غير علي 3 معالق رز بس ومعلقة واحدة زيت زيتون
والله انا كنت باكلة كل يوم وبخس 2ك كل اسبوع من غير تعب ولا ارهاق جربوه وادعولى
وبالهنا والشفا باااااااااااااااااااااااا ااااااى


قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©