عنوان الموضوع : صنية الجمبرى بالخضار(لكل عدوله عامله دايت) - أطباق رجيم
كاتب الموضوع : admin
مقدم من طرف منتديات ايمازيغن

الأكلة دي هتناسب الناس اللي بتعمل دايت
صينية الجمبري بالخضار
المقادير:
½ كيلو جمبري
2 حبة فلفل ألوان
2 فص ثوم مفروم
2 ملعقة زيت زيتون
حبة بصل متوسطة
ملعقة صغيرة كمون
½ كوب صلصة طماطم
ثمرة بطاطس
فلفل حامي
كرفس وزعتر
ثمرة كوسة
ملح وفلفل
ثمرة جزر
الطريقة:
1- قطّعي البصل شرايح رفيعة، وبعدين شوّحيه في الزيت مع الثوم المفروم لحد ما يبقى لونهم دهبي، وقطّعي الكرفس والزعتر قطع صغيرة، وحطّيهم مع البصل وشوّحيهم مع بعض.

2- قطعي الجزر والفلفل والبطاطس والكوسة والفلفل الحامي صوابع رفيعة، وحطيهم مع البصل، وشوحي كل الخضار مع بعض لحد ما يستوي نصف تسوية.

3- بعد كده حطّي معاهم الجمبري بقشره، وتبّليهم بالملح والفلفل والكمون، وحطي عليهم عصير الطماطم، وقلبيهم على النار لمدة 5 دقائق.

4- بعد ما تستوي نصف تسوية، حطي ورق فويل في صينية، واقلبي عليه الجمبري بالخضروات وعليهم 1/ 4 كوب ميه أو صلصة طماطم، وبعدين اقفلي الفويل عليه.

5- دخّلي الصينية في الفرن لمدة 10 دقائق، وبعدين طلّعيه من الفرن وقدّميه.. بالهنا والشفا.
لاتنسوا تقييمى

قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©