طبعا كلنا بنموت فى المحشى
النهارده جايباهولكم بطريقه تنفع للريجيم وصحيه و مفيده طعمها يجنن
اول حاجة الكوسه تغسليها كويس و القشر ماتشيليهوش كله على خفيف كده اكحتيها بالسكينه وده طبعا لان فيها الياف وفايدة غذائية
تاني حاجة نقور الكوسه عادى ونشيل القلب بتعها بس مش كتير نسيب شويه منه بردو
بعد كده نجهز اللحمة المفرومة بوضعها في المقلاة التيفال من غير اي دهون على الهادي وتضيفي بصل وثوم وتقلبي لحد ما تنشف تماما والبصل يبدأ يتحمر تضيفي صلصة طماطم طبيعيه عليها وبعدين ضيفي البهارات اللي بتحبيها للمحشي و الملح كمان بس خفيف وطبعا ماتنسيش الخضرة (شبت وبقدونس)
واخر حاجة ضيفي رز بسمتي (لأن سعراته الحراريه اقل من الرز العادى)بس مش كتير على قد الكميه اللى هاتعمليها من الكوسة والفلفل
في صينية قطعي بصلة شرايح واحشي الكوسة ورصيها وضيفي شوربة بس شيلي كل الدهون اللي على وشها وغطيها كويس بورق الفويل ودخليها الفرن الى ان يتم النضج
شكلها النهائي اخر صورة
وطبعاً ممكن يتقدم مع سلطه خضراء او سلطه زبادى
وبالهنا والشفا ياقمرات
رد مع اقتباس
