عنوان الموضوع : وجبة كنتاكى كامله لايت وصحيه ( خاص بالمسابقه ) - أطباق رجيم
كاتب الموضوع : mira
مقدم من طرف منتديات ايمازيغن

طريقة عمل فراخ كنتاكى صحيه ولايت :


المقادير :

 فراخ زى ما انتى عاوزة مخلية او بالعضم عادى
بقسماط ماى واى بتاع الفراخ البانيه
مستردة
فلفل
بابريكا
خل
بيضة
زبادى

الطريقة :

تقطعى الفراخ بالطريقة اللى انتى عاوزاها لو بالعضم الفرخة تتعمل كل ربع اتنين والجناحين ولو مخلية حسب رغبتك انا عملتها قطع صغيرة crispy strips

تتبليها بكل التوابل على بعض ومعاهم البيضة كمان ولو تحبى تحطى بصل كمان على الخلطة بس مفروم
تنقعيها فى الخلطة على الاقل ساعتين وبعدين فى البقسماط بتاع ماى واى لازم البقسماط العادى مش بيطلع حلو وخلى بالك وانتى بتتبلى البقسماط فيه توابل وملح يعنى قللى التوابل والملح علشان الطعم يطلع مزبوط باذن الله وادهنى صينية زيت خفيف خالص ورصى الفراخ فيهاالاول متغطية وبعد تلت ساعة شيلى الغطا ورجعيها الفرن تانى لحد ما تتحمر وعلى فكرة الوقت بتقدريه انتى حسب التقطيعة بتاعت الفراخ والاخر لو لقيتى حتت ناشفة بخى عليها زيت خفيف وبكده تبقى جاهزة


طريقة عمل بطاطس من وجبة كنتاكى المتكامله بطريقه صحيه :




المقادير :

 بطاطس
ملح
خل
توابل حسب الرغبة

الطريقه :

تقشرى البطاطس وتغسليها وتقطعيها صوابع وتسلقيها نص سلقة فى مية وخل وملح وبعدين تشيليها تبرديها بمية وتحطيها فى صينية وتوابل زى ما يعجبك انا حطيت فلفل اسود وبابريكا وبهار وعلى الفرن لغاية ما تستوى




طريقة عمل الارز الريزو من وجبة كنتاكى المتكامله لايت :




المقادير:

ارز عادى او بسمتى
معلقة زيت
باقى تتبيلة الفراخ
ملح

اوعى تكونى رميتى باقى تتبيلة الفراخ
حطيها على الرز اللى تكونى ناقعاه قبلها بليلة علشان يتخلص من اكبر كمية من النشا وبعدين يتغسل ونضيف عليه التتبيلة وكمية ملح حسب الرز ومعلقة الزيت والمية لو رز مصرى بعد النقع المية يادوب تغطيه علشان هو خلاص شرب مية من النقع وتسويه عادى



طريقة عمل الكول سلو :


المقادير :


كرنب
جزر
خيار
بصلة
زبادى
معلقة مايونيز

ابشرى كل المكونات وهاتى الزبادى واخلطيها بمعلقة المايونيز هتبقى كلها طعم المايونيز بالظبط واخلطيها بالخضار ولو احتاجت ملح براحتك







©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©