عنوان الموضوع : فطيره الجمبرى (مسابقه أمازيغيات ستار شيف ) - وصفة من مطبخي
كاتب الموضوع : madiha
مقدم من طرف منتديات ايمازيغن

السلام عليكم ورحمه الله وبركاته



ازيكم يا حلوين وايه اخباركم
انا بقى هاحكيلكم حكايه صغنونه
فى مره من المرات وانا واقفه بخترع فى المطبخ
فضلت اجيب شويه حاجات من هنا على شويه محتاجات من هناك
طب ماتزقيش كده خلاص
المهم فى الاخر طلعت معايا الاكله دى بس والله طلع طعمها تحفه واديكوم هاتجربوا وتعرفوا


نبدأ بالمقادير

(1) بصله متوسطه
(2) فلفله صفراء - فلفله خضراء - فلفله حمراء
(3) نص كيلو جمبرى صغير
(4) نص لفه جلاش
(5) 4 ملاعق زيت
(6) زبده او سمنه
(7) ملعقه صغيره ملح - ملعقه صغيره فلفل - ملعقه صغيره بهارات - ملعقه صغيره زعتر

طريقه التحضير


1 - تقطع البصله جوليان ثم تشوح فى الزيت حتى يصفر لونها



2 - ثم نضيف الفلفل بعد تقطيعه جوليان ايضا



3 - نضيف التوابل الى البصل والفلفل




4 - نضيف الجمبرى بعد تنضيفه وغسله جيدا




5 - يقلب الخليط جيدا ويترك على نار هادئه حتى ينضج



6 - تدهن صينيه متوسطه بالسمن او الزبده
7 - تفرد ورقه جلاش


8 - ثم تدهن بالسمن وتوضع ورقه اخرى وهكذا لغايه ماترصى نص كميه الجلاش



9 - يصب الخليط داخل الصينيه



10 - ترص باقى الجلاش ماعدا اخر ورقتين وتدخلى الجوانب على داخل الصينيه
11 - تقص الورقتين على شكل دائره ثم توضع على وش الصينيه ودخلى الحروف للداخل
12- يدهن الوجه بالسمن ثم تدخل الفرن




وهو ده شكلها النهائى



وبالهنا والشفا

يارب تكون عجبتكم

ومعلش بقى اعذرونى الصور مش قد كده




قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©