عنوان الموضوع : فراخ مشوية فى المنزل - وصفة من مطبخي
كاتب الموضوع : hamida
مقدم من طرف منتديات ايمازيغن

انهارده لكل ام بتحب الفراخ المشويه
واولادها بيعشقوا الفراخ المشويه بس خارج البيت في المطاعم
انهارده جيبالك طريقه بسيطه اوي وغير مكلفه ولما هيدقوها مش هيفرقوا
بينها وبين بره وصفه بسيطه ولذيذه في نفس الوقت



هاتضربى فى الخلاط
وبصلتين وسط فص توم نص مكعب مرقة دجاج لو بتستخدميه وربع كوبايه صغيره خل وملح وفلفل وبهاراتك ورشة سكر ونص معلقه هوت صوص ونقطه صويا صوص
ومعاهم كوبايتين ميه تضربيهم فى الخلاط كويس اوى تحطى الفرخه فى علبه ويكون الفرخه مفتوحه وتنغزى الفرخه من كل اتجاه
وتدوقى الخليط ولازم يكون ملحه مظبوووووووووووووووووووووط مش حادق اوى ولا دلع
وتصبى الخليط ده عالفرخه بحيث يغطيها كللها تبقى منقوعه يعنى
وتانى يوم بامر الله
تسخنى الفرن كويس اووىىى ونحط الفرخه على شبكة شوى وتحت فى ارض الفرن نحط صينيه فيها ميه ونحط الفرخه بالشبكه فى الرف الوسطانى ونسيبها خااااالص لغاية ماتستوى وتتحمر وممكن نقلبها مروه واحده بس
ومابنفتحش الشوايه خالص
وتقدم مع الارزوالسلطة
وبالهنا


قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©