عنوان الموضوع : جربتي تعملي كفتة الفراخ - وصفة من مطبخي
كاتب الموضوع : chichaki
مقدم من طرف منتديات ايمازيغن

حبايبى الحلوين
الطريقة دى انا بحبها جدا وخفيفة فى العمايل وخفيفة ع المعدة



ندخل بقى فى المقادير والطريقة


المقادير:
نصف كيلو فراخ بانيه
بصلة متوسطة مفرومة ناااااااااااااااااااعم
نصف كوب بقسماط ناعم
بيضة واحدة
ملح
فلفل اسمر
كارى
بهارات
قرفة مطحونة لو عايزة
الطريقة:
الاول نفرم الفراخ فى الكبة
وبعدين نحط عليها البصل ونفرمهم تانى سوا
نحط عليهم باقى المقادير اللى هى البيضة والبقسماط والتوابل
هتلاقيها زى العجينة ممكن تشكليها
ولو كانت سايبة اوى ضيفيلها شوية بقسماط كمان
اعمليها كور فى حجم عين الجمل
وبعدين حطيها ى بقسماط عشان الطبقة الخارجية تكون مقرمشة
وبعدين تقليها فى زيت غزير
والله طعمها احلى من الناجتس اللى بندفع فيها فلوس ع الفاضى
وطبعا اكل البيت انضف كتييييييييييييييييير
ممكن تقدميه مع مكرونة وبطاطس محمرة
وبالف هنا وشفا يا حبايبى
ياريت اشوف ردودكو




قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©