عنوان الموضوع : فراج بطريقه جديده - وصفة من مطبخي
كاتب الموضوع : kouka
مقدم من طرف منتديات ايمازيغن

فراخ بطريقه جديده
النهرده عملت طبق جانبي كده جمب الاكل
كتغيير وكان لذيذ اوى
والكبار حبوه واكيد الاطفال هيعشقوه
عملت فيشارو فراخ
انا سميته كده
ندخل ع المقادير
انا عملت كميات صغيره
صدر فرخه فيليه مقطع رفيع زى الشاورما
تتبيلة الفراخ تبليها زى ماتحبي انا تبلتها مع باقي الفراخ بطريقة تكا
بس ممكن تتبليها بخل ولمون وملح وفلفل
نص كوباية دقيق
ربع كوباية نشا
بيضه مخفوقه وعليها شوية ميا بسيطه
ملح
فلفل اسود
زيت للقلي
الطريقه
بعد ماتتبل الفراخ
انا سيبتها ساعتين
هنخلط الدقيق بالنشا والفلفل الاسود والبيضه
ونقلبهم كويس
ونضيف عليهم الفراخ
ونخلطهم كويس
نسخن الزيت
وننزل فيه الفراخ وحده وحده مش كل الكميه
واول ماينزلو مع بعض افصليهم بالشوكه
واول مايبتدى لونهم يغير ابتدى قلبي فيهم
لغاية مايوصلو للون الدهبي
وطلعيهم علي مصفي مش مناديل
عشان تحتفظ بقرمشتها
انما المناديل هتطريها
ولغاية ماتخلص كل الكميه


قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©