عنوان الموضوع : كوسه بالفراخ والبشاميل من مطبخى لعيون مدام نونا - وصفة من مطبخي
كاتب الموضوع : inzou07
مقدم من طرف منتديات ايمازيغن

ازيكم ياثيمازيغين ياحبيباتى
انهارده انا واقفه بطبخ مخصوص لعيون مدام نونا القمر وعشان معملهاش اكله معروفه قعدت امخمخ مع نفسى لحد ما وقفت فى مطبخى وقررت اعمل صنف جديد ولذيذ وهو الكوسه بالبشاميل هتقولولى طب وايه الجديد هقولكو انها بالفراخ مش اللحمه تعالو نشوف الطريقه
اولا المقادير
1/2 كيلو صدور بانيه
1/2 كيلو كوسه
بصله
معلقة زبده او سمن
2 كوب شوربه
2 مكعب مرق
ملح وفلفل اسمر وبهارات حسب الرغبه
حوالى 5 ملاعق كبيره بشاميل
الطريقه
هنجيب صينيه وهنقطع فيها البصل حلقات ونحط عليها الملح والفلفل والبهارات ونخلطهم كويس مع البصله ونرفعها عالنار مع معلقة الزبده ونشوحها نص نص
هنجيب الصدور البانيه ونقطعها زى الشاورمه كده بس قطع كبيره شويه ونحطها عالبصله تتشوح معاها وبعدين ننزل بالكوسه ونسيبها تشرب شويه من التتبيله وهنضيف الشوربه ومكعبين المرق ونسيب الكوسه عالنار لحد ما تستوى خالص لو حسيتى انها هتنشف ممكن تحطيلها شوية شوربه تانى بس مش كتير
بعد كده هنحط البشاميل من فوق ونحط الصينيه فى الشوايه لحد ما يحمر الوش وده تقريبا بيبقى شكلها

وبالهنا والشفا على قلبك يامدام نونا يارب تجربيها وتقوليلى هتعجبك ولا لأ

قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©