عنوان الموضوع : الحمام المحشى بالفريك من مطبخى بالصور حمام وفراخ محشيه من مطبخى لعيون اميره على - وصفة من مطبخي
كاتب الموضوع : مريم
مقدم من طرف منتديات ايمازيغن






صباح الورد على عيونكم
انهارده هقدملكو طريقه سهله وبسيطه لعمل الحمام والفراخ المحشيه بالفريك
كانت طلبت الطريقه منى حبيتى اميره على
وعلى شانك يا اميرتى اتفضلى الطريقه بالشرح والصور

المقادير

جوز حمام
فرخه صغيره حشو
1/2 ك فريك
بصله
ملح
فلفل
بهارات
مكعب مرقة دجاج
معلقه كبيره نعناع ناشف مطحون

سمن او زيت

الطريقه

عالنار نقطع البصله والكبده والقوانص ونحمرها فى السمن بالشكل ده





وبعدين هنززل بالفريك عليها ونقلب لحد ما يسخن كويس وعليه الملح والفلفل والتوابل والنعاع زى الرز بالظبط بالشكل ده




بعدها هنسقيه الميه ومعاه مكعب المرق ونسيبه يغلى لحد ما يتشرب زى الرز ونهدى عليه ونسيبه لحد ما يبقى3/4 سوى وهيبقى بالشكل ده





وبعد كده هنجيب الحمام ونحشيه بالشكل ده طبعا بعد ما غسلناه ونضفناه كويس جدا





و هنقفلها بالخيط بالشكل ده





بعدها هنحط ميه تغلى وهنسلق فيها الحمام
والفراخ
ولما يتسلق ادامك طريقتين لتحميره
الاولى انك تحمريه فى طاسه عالنار فى زيت او سمن بس الطريقه دى عادتا بتسبب حروق فى الايد كتير فعشان كده مبحبهاش والطريقه التانيه انك تدهنى الحمام او الفراخ بالسمنه وتدخليها الشوايه وتقلبيها باستمرار ودى طريقه فيها امان كتير عن الاولى
وده شكل الحمام والفراخ بعد ما طلعت من الشوايه








يارب يعجبكو
وبالف هنا وشفا على قلوبكو




قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©