عنوان الموضوع : طاجن الباميه باللحمه الضانى !!!!!!! - وصفة من مطبخي
كاتب الموضوع : مريم
مقدم من طرف منتديات ايمازيغن

حطّي باقي صلصلة الطماطم على الطاجن
طاجن البامية باللحمة الضاني اللي كلنا بنحبه، لكن بطريقة جديدة جرّبيها
طاجن البامية باللحمة الضاني
المقادير:
كيلو بامية
كيلو لحمة ضاني
2 ثمرة بصل مفروم
2 ملعقة كزبرة جافة
3 فصوص ثوم مفروم
ملعقة صغيرة بهارات
3 كوب عصير طماطم
4 ملعقة كزبرة خضراء
قرن فلفل حامي مفروم

الطريقة:
1- تبّلي اللحمة بالملح والفلفل، وشوّحيها مع شوية زيت زيتون ونصف كمية البصل، وبعد كده ضيفي عليها شوية من صلصة الطماطم، وسيبيها على النار علشان تتسبّك.

2- شوّحي البامية في حلة مع شوية زيت زيتون وباقي كمية البصل وفص ثوم واحد وملعقة كزبرة خضراء والفلفل الحامي والبهارات، وقلّبيهم كلهم مع بعض على النار.

3- حطّي اللحمة على البامية وقلّبيهم كويس، وحطّيهم في الطاجن.

4- شوّحي باقي الثوم والكزبرة الخضراء والكزبرة الناشفة، وشوّحيهم كلهم في شوية زيت زيتون في طاسة على النار.

5- حطّي باقي صلصلة الطماطم على الخلطة دي، وسيبيها على النار شوية.

6- حطّي الخلطة دي على طاجن البامية وعليها شرائح طماطم، ودخّليها الفرن لمدة 20 دقيقة.. وبالهنا والشفا. عايزه احلى تقييم ماشى

قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©