عنوان الموضوع : بالصور صينية سمك بوري روووعة مع التحابيش بتاعتها - وصفة من مطبخي
كاتب الموضوع : hanan
مقدم من طرف منتديات ايمازيغن

بالصور صينية سمك بوري روووعة مع التحابيش بتاعتها

اسهل طريقة لعمل الصينية بالخطوات

اول حاجة طبعا تنظفي السمك كويس و تتبليه بدقة ( ثوم + فلفل+ملح+ جنزبيل)

و بعدين تقطعي البطاطس شرايح رفيعة نوعا ما و ترصيها في الصينية

و في مقلاية تحطي حلقات بصل و فلفل و كزبرة خضرا و شبت و تشوحيهم في شوية زيت يدوب يدبلو
و تحطي عليهم حبة من الدقة الي حشيتي بيها السمك

انا كان عندي 3 سمكات
حطيتلهم 3 بطاطسات
و بصلة و فلفلة و 2 ليمونة و حزمة شبت و حزمة كزبرة


ترصي السمك فوق حلقات البطاطس
و فوقهم البصل و الفلفل المتشوحين
و توابل للسمك ( او كزبرة ناشفة و رشة ملح )
و يبقي شكل الصينية كدة




و تحطي نص كوباية مية و شوية زيت في الصينية عشان تسوي البطاطس

و ده شكل الصينية من قريب



و بعدين تحطي شرائح الليمون
و تجري علي الفرن



و ده شكلها بعد ما استوت يا بنات



و دي من قريب




عملت معاها رز صيادية





و حمرت فلفلتين حاميين لجوزي
و شرايح بصل تتحط فوق الرز




و طبعا السلطة منسيتهاش





ملحوظة انا شيلت راس السمكة لانه كان عندي في الفريزر بقاله فترة قلقت منها قلت اشيلها احسن
بس انت بقي نظفيه زي العادي

و بالف هنا علي قلبكم يا قمرات

قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©