عنوان الموضوع : حمام محشي روووعه,طريقه عمل الحمام المحشي - وصفة من مطبخي
كاتب الموضوع : hanan
مقدم من طرف منتديات ايمازيغن



الحمام المحشى
المقادير
حمام
كوب ارز
بصلة
طماطم
بهارات
اولا. هانجيب الحمام اى كميه انتى هاتعمليها وننضفه كويس واهم حاجه ان يكون بين الجلد واللحم مفصولين يعنى المكان اللى هانحط فيه الحشووننقعه فى ماء وملح وخل عشان يبقى نظيف ومافيهوش اى ريحه

ثانيا. الحشو

هانجيب الكبد والقوانص بتوع الحمام ونقطعهم قطع صغيره



وبعدين نفرم البصل ونشوحه فى السمن البلدى وشويه زيت ذره
اهم حاجه السمن البلدى عشان يبقى الطعم والريحه مظبوطين



وبعد كده نضيف الكبد والقوانص



جينا بقى للمهم البهارات
بصى ياسيتى
هانحط ملح وفلفل اسمر وكمون وبهارات وجوز الطيب
واهم حاجه جوز الطيب


وبعد كده هانبشر طماطم وهانضيفها على الكبد والقوانص



ونسيبهم شويه يتشوحوا مع بعض لحد ماتغسلى الارز



وبعد كده هانضيف الارز ونقلبهم كويس لحد ما الارز يتشرب الصوص اللى فى الحله كل ده وانتى بتقلبى عشان مايلزقش ونضيف كوب ماء يستوى معة نصف سوا



وبعد كده هانبدا حشو الحمام هانحيه من رقبته وخلى بالك علشان جلده ضعيف ممكن يتفتح منك ثم نحشية ونقفلة كويس من رجلية

وفى حلة على النار بها معلقة سمنة ومستكة وحبهان نشوح الحمام تشويحة خفيفة ثم

وهانحط الميه على النار ولما تغلى نحط فيها بصله وحبهان ومستكه وورق لورا وقالب ماجى وملح وفلفل وبعدين نحط الحمام



واول لما يغلى لازم توطى عليه زى الرز علشان الحمام مايتفتحش
وهو بياحد حوالى ساعه الا بع او ساعه على البوتجاز

وبعدين نطلعه


وبعد كده نحمره فى سمنه بلدى وشويه زيت ذره

بالهنا




قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©