عنوان الموضوع : مسقعة بالبشاميل....تدوووووووووووو ووووووووووووخ - وصفة من مطبخي
كاتب الموضوع : amira
مقدم من طرف منتديات ايمازيغن

ازيكم يا أحلى ثيمازيغين


انهاردة جيبالكم مسقعة بالبشاميل


متقولوش لعدوكم عليها



تحححححححححححححفة وهتدعولى


نمسك كده حاجة حاجة و واحدة واحدة





يالا نظبط البدنجان




نقشر البدنجان (حسب الكمية) ونقطعه حلقات ونحطه


فى مصفى



ونرش عليه ملح عشان طبعا ميسودش


يالا نعمل البشاميل



وطبعا مفيش احلى من البشاميل البيتى




ماما بتعمله بـ 4 ملاعق دقيق


ومعلقتين سمنة


وحوالى 4/3 كيلو لبن


وبتحب اتقله شويه


ولما يبرد خالص بنحطله بيضتين


ندخل بقى على العصاج



نبشر البصل ونحمره وعليه فلفل اخضر



وننزل بالمفروم ونشوح ومعاها طبعا البهارات



ونخلى الملح الاخر خالص لان الملح



بيأخر سوى اللحمة....يم يم




ندخل بقى على السر الكبيييييير










الصلصة



نجيب صلصة طماطم جاهزة



ونفرم كام فص توم



نشوح التوم كويس وننزل بصلصة الطماطم



يالاهوووووووووووى على الريحة













ونزود شويه بهارات




يالا نقلى البدنجان والفلفل الاخضر



نقلى البدنجان فى زيت غزير وبعديه نقى كام فلفلة



خضرا بتدى طعم وههههم



ونطلع البدنجان على مناديل لامتصاص الزيت الزايد



نظبط الصينية بقى




نحط شويه بشاميل تحت خالص




ونرص طبقة بدنجان وفلفل


ونحط شويه من الصلصة


وبعدين نحط العصاج



وطبقة بشاميل كمان



وبعدين طبقة بادنجان وفلفل وعليهم صلصة



وبعدين البشاميل الباقى كله على الوش


ونضرب بيضة ونمسح بيها الوش كله



وشوية بقسماط بقى على الوش للقرمشة


وتدخل الفرن لحد ما الوش ميحمر



نحمص بقى عيش جمبها



ونفرش كده وناااااااااااااااااااااكل



بالهنا والشفتيشى




بصراحة انا كده جوعت خلاص




يارب تعجبكم...ومستنية التقييم

قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©