عنوان الموضوع : المحشى بكل انواعة من مطبخى محشى ورق عنب وفلفل وكرنب وطماطم وكوسة وباذنجان - وصفة من مطبخي
كاتب الموضوع : kouka
مقدم من طرف منتديات ايمازيغن



المحشى دة عملاة بقالى كتيير اوى اوى ومكسلة انزلة اليوم قررت انزلة لعيون هنودة حبيبتى ولعيون كل الثيمازيغين ..

ولانى موش بعمل المحشى كتيير فيوم ما بعملة بعمل كل الانواع ..

المقادير ..

ارز - عصير طماطم
فلفل رومى - طماطم جامدة جدا للحشو
ورق عنب مسلوق ت كرنب مسلوق
باذنجان ابيض وكوسة تم تقويرهم ..
خضرة المحشى ( بقدونس ، شبت ، كسبرة خضرة )
بصل - ملح - فلفل اسود- بهارات

بصوا بقى انا بعمل حاجة لما باجى اعمل المحشى موش عارفة بتعملوها ولا لأ ..
هى انى مثلا الفلفل ارصة فى الحلة اللى عايزة اعملة فيها قبل ما احشية علشان ما تفاجأش ان الحلة ناقصة او زايدة ولما اجى احشى اخد واحدة احشيها واحطها مكانها واخد غيرها وهكذا ...



ونفس الشىء للطماطم....



والكوسة والباذجان فى صينية واحدة علشان موش مطلوبين اوى عندى ...



نيجى بقى لخلطة المحشى ...

بنبشر بصلتين ونشوحهم فى الزيت ...



ولما يصير لونها ذهبى بنضيف عصير الطماطم ...



ونسيبها لغاية ما تتسبك و نكون قطعنا خضرة المحشى ونقلبها فى التسبيكة وبعدين نضيف الارز بعد غسلة وتصفيتة جيدا من الماء ثم نضيف الملح والفلفل الاسود والبهارات ونقلبهم جيدا ..



ونبدأ بالحشو الفلفل بكون شايلة القمع بتاعة والطماطم بقطع الغطا بتاعها من فوق بس بسيب ماسك فيها وبمعلقة صغيرة اطلع اللى جواها ...



اما ورق العنب والكرنب فماليش روح خالص للفهم بسيبهم لست الحبايب هى اللى بتقعد تلفهم



وانا اقوم اسوى عالنار بعد ما بسقية بعصير طماطم مخفف بالماء ومملح ...



الكوسة والباذنجان بدخلهم الفرن ...



واتفضلوا بالهنا والشفا ومعلش لو كنت رغيت كتيير ...







قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©