عنوان الموضوع : من مطبخى \ تعالى اعملى فراخ على طريقة الحاتى , فراخ الحاتى وتحدى اوعى تفوتك - وصفة من مطبخي
كاتب الموضوع : madiha
مقدم من طرف منتديات ايمازيغن
تعالى اعملى فراخ على طريقة الحاتى , فراخ الحاتى وتحدى اوعى تفوتك
تعالى اعملى فراخ على طريقة الحاتى , فراخ الحاتى وتحدى اوعى تفوتك
تعالى اعملى فراخ على طريقة الحاتى , فراخ الحاتى وتحدى اوعى تفوتك
ازيكم يااحلى ثيمازيغين
انا شفت الحاتى بيعمل الفراخ با لطريقة دى وبصراحة
ماكدبتش خبر قلت اجرب وقعدت ادعى ان الطريقة تطلع حلوة
وبفضل الله ثم الدعاء هاتدمنيها ان شاء الله لو جربتيها وهاتشرفك كمان فى العزومات
ندخل على
المقادير
فراخ + 3 بصلات + 3 طماطم متوسطة + 2 م ك خل + 2م ك زيت +2 توم مهروس+ كوب لبن زبادى او رايب او لبن قاطع عندك
هانطحن البصل والطماطم معا فى الخلاط ومعاهم الخل والزيت واللبن الرايب اوالزبادى
الفراخ نقطعها الورك نصين والصدر نفس الحكاية
الفراخ نحط عليها التتبيلة اقل وقت 6 ساعات وكل ماتقعد اكتر يكون افضل ولو عندك عزومة سيبيها يومين تبقى واااااااااو
كده حطناها فى التتبيلة وعلى التلاجة
وعند الطهى ياقمرات شوفى بقى التكة دى بنحط التوابل بعد مانشيل الفراخ من التتبيلة ونحطها فى مصفاه لمدة 10 دقائق نيجى بقى نحط التوابل هم 4 مكونات فقط من غير الملح
م ص كمون + م ص زعتر + م ص زنجبيل ناعم + م ص كسيرة ناعمة والملح ونتبل الفراخ ونكون مسخنين الفرن
والشبكة بتاعة الفرن غسلنها كويس لاننا هانرص الفراخ عليها وتحت منها صنية او صاج الفرن ومغلفينة بورق فويل
وعلى الفرن ونقلب الفراخ كلى شوية وبعد ما استوت حطيتها فى صنية
ونشوف الصور ياقمرات
بعد ساعة بقى شكلها كده وغرسنا شوكة علشان نشوف استوت ولا لاء نكون محضرين الفحمة المولعة وعلشان تدخن نقطتين زيت عليها شايفة الدخان حبيت اصوره وهوب نقفل ونكتم الدخان بسرعة
وكنت محضرة السلطة والمكرونة والبطاطس المحمرة
قد تكوني مهتمة بالمواضيع التالية ايضاً:
المصدر: منتديات ايمازيغن
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
رد مع اقتباس
