المقادير
نصف كيلوا صدور فراخ مخليه
نصف كيلوا اوراك فراخ مخليه
6 بصلات كبارمفرومين
معلقه كبيره توم بودر او مفروم
معلقه صغيره زعتر بودر
ملح وفلفل اسمر
2ليمونه
للتغطيه
بيضتين
معلقتين كبار لبنب
قسماط مطحون او فيجيتار
زيت للتحمير
انا استخدمت بواقى التوست اللى بعمل منه ساندوتشات العيال بجمعه وافرمه فى الكبه بيبقى خطير وبزود عليه كام كيس فيجيتارعلى حسب كميته ولو عاوزه اسبايسى
ممكن معلقه شطه حمره على الفيجيتار بتبقى احلى من الفيجيتار الحار بكتير جدا
الطريقه
اول حاجه نفرم البصل ونحط عليه التوم والتوابل
كلها ونهرسهم
مع بعض كويس انا بجيب طبق فويل او فوم
اللى بحط فيه فى الفريزرواحط فيه شويه من التتبيله
وارص عليها الفراخ صدور او اوراك
وارجع احط تانى التتبيله فوق الفراخ واعصر عليها الليمون
كويس ولو بخزنها فى الفريزربحط الفراخ مفروده
وافصل بينها بالاكياس زى الصور ما هتوريكم
ويفضل طبعا تسيبى الفراخ فى التتبيله على الاقل
ساعتين ولو عملتيها من باليل يكون احسن بكتير طبعا
وبعدين نجهزالبقسماط بتاعناونحط البيض وعليه اللبن
ونتبله ملح وفلفل ونجيب الفراخ ونحطها فى خليط البيض
واللبن وبعدين البقسماط لما نخلص الكميه بتاعتنا
وبنفض التتبيله شويه مبشلهاش كلها بحب طعمها
تحت طبقه البقسماط وبعدين نسخن الزيت كويس
ونحمر الصدوربتتحمر عادى على نار عاليه
مش بتاخد اكتر من 10 دقايق
بالنسبه للاوراك نسخن الزيت ونحط الاوراك
تاخد الصدمه الاولى وبعدين نهدى النار نخليها متوسطه
لان الورك تخين شويه بياخد وقت فى السوا هنخلى النار
متوسطه 10 دقايق وبعدين نعليها تانى 10 دقايق كمان
يكون الورك استوى وبقى تمام اوى
اسيبكم مع الصور
1
2
3
4
5
6
7
8
9
10
انا كده خلصت الحمد لله اسيبكم فى امان الله
......
رد مع اقتباس
