عنوان الموضوع : طريقة عمل شيش طاووق عالجريل من مطبخ مايا علي - وصفة من مطبخي
كاتب الموضوع : hamida
مقدم من طرف منتديات ايمازيغن



ازيكم حبيبات قلبي بقالي فترة مش بنزل أكلات بس لظرف خارجة عن ارادتى
نشوف مع بعض كده صورة تشويقية



ايه رأيكم؟ حلوة مش كده طبعا عرفنا أكلتنا النهاردة ايه؟
أكلتنا هي شيش طاووق عالجريل وطبعا من مطبخي حبيبي

مقاديرنا بسيطة مافهاش حاجة
4 صدور فراخ مخلية ومقطعة مكعبات
4 ملاعق مايونيز
1/2 كوب عصير ليمون
2 ملعقة كبيرة صويا صوص
1 ملعقة صغير دبس رمان
ملح فلفل أسود كركم
1 ملعقة كبيرة بهارات فراخ
1 ملعقة صغيرة صلصة طماطم
3 فلفل رومى ألوان مقطعة مكعبات
5 بصل قاورما مقطعة نصفين
3 طماطم مقطعة ارباع وتشيلي البذور وتقطعيها مكعبات

الطريقة برضه سهلة ومافهاش اي حاجة خالص

حنعمل تتبيلتنا بخلط كل مقاديرنا ونضع عليها مكعبات الفراخ ونعملها من قبلها بالليل



تانى يوم حتطلعى مكبات الفراخ وحتحضرى
أسياخ الشيش وتحطى جنبك الفلفل الرومي الألوان والبصل والطماطم وتحطيهم في أسياخ الشيش بالشكل ده



شكلهم يفتح النفس مش كده؟

وتحطيهم عالجريل





نسيبهم لحد ماتستوى الفراخ والخضروات اللي موجودة

وده شكلها النهائي وقدميها مع أرز بالكركم وبطاطس ومايونيز وكاتشاب
أو لو حتقدميها في العشاء في عيش تورتيلا وخس كابوتشي بيبقي جناااااان



زووووووووم







يارب وصفتي تكون عجبتكم وعلى فكرة لو موجود عندكم مشروم فريش بيبقي تحفة
ماتنسوش التقييم لو عجبتكم وصفتى
لو مالقيتش تقييم حاعرف ان وصفتي ماعجبتكمش

مع تحياتى مايا علي




قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©