عنوان الموضوع : بيتزا بالسجق بيتزا السجق من سماح للثيمازيغين - وصفة من مطبخي
كاتب الموضوع : mira
مقدم من طرف منتديات ايمازيغن


مساكم / صباحكم فل يا ثيمازيغيني
النهارده انا عملت بيتزا بالسجق وقلت لازم اوريكم عمايلي
عجينة البيتزا كلنا عارفينها وسهلة بس بصراحة انا كان وقتي ضيق ومستعجلة فجبت عجينة فينو من الفرن ودى بتكون للطوارئ جبت بـ 5 جنيه عملت صينية بيتزا حجم كبير و 4 بيتزات صغيرين
معاكم بقي بالتفصيل اولا جبت السجق وحطيته في ميه سخنة بتغلي لمدة 5 دقائق وده انا بعمله مع السجق او السوسيس قبل ما احمرهم مهما قلنا الحاجة مضمونة بحب اغليها ولما تشوفوا الصورةحتعرفوا ليه شوفتوا الريم اللي علي الوش

بعدين صفيت السجق من الميه

نشوح البصلة ثم نضيف السجق بعد ما نقطعه ونحمره معاها ثم نضيف فلفل رومي مقطع وطماطم مقطعة



نفرد العجينة في الصينية ونتركها ربع ساعةتخمر شوية
طريقة الصلصة
نصف كيلو طماطم مقطعة معاها ملعقتين زيت زيتون/ ملح /سكر/فلفل اسمر/ زعتر
ونسيبها تتسبك كده بقت حاضرة عندنا

ثم نفرد الصلصة علي وشها بيكون فيها قطع طماطم بتخلي طعمها تحفة

وجبنةرومي مبشورة والسجق وزيتون للي يحب انا بصراحة اكتفيت بالسجق والجبنة الرومي


ونضعها في الفرن بعد ما نسخنه تقريباً بتاخد من ربع لثلث ساعة

وهنا لما طلعت بألف هنا وشفا



يا رب تعجبكم


قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©