أهلا عدوووووووولاتي إزيكم ؟
إن شاء الله تمام
الباذنجان المخلل باذنجان مخلل من مطبخي طريقة ألذ باذنجان مخلل من مطبخي بالصور
الباذنجان المخلل باذنجان مخلل من مطبخي طريقة ألذ باذنجان مخلل من مطبخي بالصور
الباذنجان المخلل باذنجان مخلل من مطبخي طريقة ألذ باذنجان مخلل من مطبخي بالصور
أنا النهاردة دخل في بالي أعمل حاجة في المطبخ
راحت جتلي فكرة الباذنجان المخلل اللي بحب أعملو ( هو دة اللي فالحة فيه )
وقولت أجيبلكو الطريقة عشان اللي متعرفش تجربه
ومتنسوش تجربوه ولو طلع حلو إدعولي ماشي ؟
باذنجان ( حسب م إنتي عايزة )
طماطم ( حسب كمية الباذنجان اللي هتعمليها )
ثوم
ملح
فلفل ( حبة صغيرين بس )
كزبرة مطحونة
كمون مطحون
خل
ليمون
الكزبرة والكمون والليمون مش لازم تحطيهم بس لو حطيتيهم طعمو بيبقى أحلى
قطعي الباذنجان لشرائح
أشطفيه وبعدين حمريه
قطعي طماطم
حطيها على الباذنجان
وبعد كدة قطعيه بشكل عشوائي عارفة إزاي ؟ مش عارفة ؟ أنا هقوللك
جيبي شوكة وسكينة
حاولي تكومي الباذنجان فوق بعض وثبتيه بالشوكة
وبعد كدة قطعيه بالسكينة بشكل عشوائي
يعني مشي السكينة عليه لحد م يتقطع مرة يمين ومرة شمال
وإرجعي كوميه تاني وقطعي تاني
لحد م يتقطع كويس يعني ولا كبير أوي ولا صغير أوي بس عشوائي
أتمنى تكونو فهمتو الخطوة دي عشان معرفتش أصورها
نيجي للخطوة اللي بعدها
إهرسي التوم وحطيه على الباذنجان والطماطم
وحطي عليهم الملح والفلفل والكمون والكزبرة والخل والليمون وقلبيه
وبعد كدة دوقيه وشوفي لو حاجة ناقصة زودي
ودي صورته في الآخر
وبالهنا والشفا
وصدقوني لو جربتوه هتلاقو طعمه لذيذ جدا
معلش الصور مش واضحة كويس عشان الموبايل كاميرته مش حلوة
متنسوش ترجربوه وتقولولي رأيكم فيه
ولو طلع حلو إدعوووووووووولي
وإدوني رد + تقييم يا إما هزعل
يلا مع السلامة
رد مع اقتباس
