عنوان الموضوع : فتة شاورما الفراخ السورية والثومية,أكلات سورية,مطبخ مايا علي - طبق شعبي
كاتب الموضوع : kamiliya
مقدم من طرف منتديات ايمازيغن
أهلا بيكم حبيباتى في مطبخ مايا على
بقدم ليكم فتة شاورما الفراخ السورية والثومية
نشوف مع بعض المقادير
1/2 كجم فراخ بانيه مقطعة شرائح رفيعة
1 ملعقة كبيرة بهارات شاورما
3 ملاعق كبيرة خل أبيض
1 ملعقة كبيرة بصل بودر
1/2 ملعقة كبيرة ملح
فلفل أسود
1 حبة طماطم مقطعة مكعبات صغيرة
2 فلفل رومى
الفتة:
2 كوب أرز مغسول
كركم أو كارى/ملح
2 كوب ونصف مياه
وطبعا عيش شامى محمر في ملعقة سمن
الثومية:
علبة زبادى
ملعقة ونصف كبيرة مايونيز
ملح/ ثوم بودر
الطريقة
أنا بحب أجهز الثومية في الأول حاحط المكونات على بعضها وأقلب وأضعها في الثلاجة
ودى مقاديرى
دى التتبيلة
حطيت الفراخ المقطعة عليها
غطيتها بالبلاستيك فيلم ووضعتها بالثلاجة أنا عموما مش بنقع كتير لانى ببقي ظابطة التتبيلة بتاعتى يعنى بشتغل علطول وبتطلع نفس الطعم الحقيقة
هنا وضعت الفراخ عالنار في ملعقتين زيت
وهنا بعد ماستوت ووضعت في الآخر البصل الطماطم والفلفل الرومى
في نفس الوقت جهزى الأرز ضعى ملعقتين سمن وضعى الأرز فيه وحوريه عالنار وضعى عليه 2 كوب ونصف مياه مغلية عشان تنجزى بالوقت
هدى عليه النار لحد مايستوى
حمرى العيش في ملعقتين السمن
وبعدين هاتى طبق التقديم
ضعي العيش المحمر وبعدين ضعي عليه ثومية
وبعدين ضعي عليها طبقة أرز كافية وعليها ثومية
احضري كيس وضعى فيه الثومية وافتحى فيه فتحة صغيرة وضعيها بشكل منمق علي الأرز
صورة اخرى
ويارب يكون الطبق عجبكم
ماتنسوش التقييم
قد تكوني مهتمة بالمواضيع التالية ايضاً:
المصدر: منتديات ايمازيغن
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
رد مع اقتباس
