عنوان الموضوع : طريقة عمل البامية اللذيذة عندى في مطبخي,مايا علي - طبق شعبي
كاتب الموضوع : hamida
مقدم من طرف منتديات ايمازيغن

السلام عليكم ورحمة الله وبركاته


بما انى نزلت الباذنجان المخلل من شوية
وده اللينك بتاعه

أحلى باذنجان مخلل حتدوقيه من مطبخ مايا علي

يبقي لازم يكون جنبه أحلى طبق بامية وطبعا ولا تلفي ولا تحتارى تعالى مطبخي وانتى تلاقي البامية سهلاااااااااا جدا

مقاديرنا
لحمة ودي حسب عدد أفراد الأسرة مسلوقة نصف سلقة
1/4 1 كجم بامية
1/4 1 طماطم مضروبة ومصفاه
قرنين فلفل كامل
بصلتين متوسطتين
6 فصوص ثوم
2 قرن فلفل شطة

نشوف الطريقة بصوا ياثيمازيغين يعتبر غالب الطبيخ زي بعضه مافيش الا كام أكلة بتختلف بس بالطريقة
طبعا أنا بسلق اللحمة نصف سلقة
بشوح البصل في مادة دهنية


بقلب اللحمة فيها تاخد مجرد لون وتضيفي عليها الفلفل



ضيفي الطماطم المضروبة والمصفاه
أنا كان عندى 3 ريشات ضانى بس ماقلبتهمش طبعا مع اللحمة الباقية عشان ماتجرحش الحلة التيفال


لما تتسبك الطماطم نضيف الشوربة اللي سلقت فيها اللحمة ونتأكد انها كافية للبامية وندوق ملحنا ونظبطه
ونضيف كمان قرنين الشطة زى ماهما ماتقطعيهومش


سيبيها عالنار عالهادى لحد ماتستوى البامية


وده شكل طبقنا النهائي
استوت باميتك التكة الأخيرة اللي ماتنفعش من غيرها
حتدقي الثوم وقرنين الفلفل الشطة وتحطيهم عالبامية تغلي غلوة واحدة وتطفي عليها وحتدوقى أحلى بامية بحياتك


قدميها مع الباذنجان المخلل اللذيذ


تحياتى لكم
مايا علي
بالهنا والشفا
ادعولى بقي دعوة حلوة من قلبكم


قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©