عنوان الموضوع : .•:*¨`*:• تعالى اعملى جاتوة الشيكولاتة باسهل طريفة وبالصور •: - حلويات
كاتب الموضوع : inzou07
مقدم من طرف منتديات ايمازيغن



النهاردة حقدملكم حلوى جديدة

هى جاتوة شيكولاتة بشكل جديد
والمفاجاة!!!!!!!!!!!!!!!!!

ان تزويقها منها فيها
وسهلة وسريعة
ولا تقولى الكيكة نجحت ولا فشلت
وبيحبها الكبار والصغار


نبتدى على بركة الله..........................



المقادير


1 كوب كاكاو خام
1 كوب لبن
1 كوب سكر
1 كوب زيت ذرة
2 كوب دقيق
ورقة بيكنج بودر
5 بيضات





الطريقة

اول حاجة حنخلط
السكر واللبن والكاكاو والزيت مع بعض
ونضربهم كويس بمضرب البيض او اى آله خفق لحد
ما يدوب السكر كويس



بعد مايصبح خليط متجانس ناخد منة مقدار كوباية للتجميل
ودة هو تزويق التورتة منها فيها
ونحطها فى الثلاجة



باقى الخليط نضيف علية البيض
ونخلطة كويس
وبعد كدة نضيف الدقيق والبيكنج بودر ونخلطة ببطء
لحد ما يتجانس وهنا تكون الكيكة جاهزة بالشكل دة




نجيب صنية مقاس 28
وندهنها كويس بالسمنة او الزيت
ونصب فيها الخليط



بنسخن الفرن من 10 الى 15 دقيقة
فالاحسن تولعى الفرن اول ما تبتدى تعملى فى الكيكة
داخليها الفرن وسويها على درجة 180
لحد ماتستوى
وبعد ما تبرد شوية اقلبيها وطالعيها من الصنية
بالشكل دة




نقطع اطراف الكيكة

نفرد عليها الخليط اللى فى الكوباية اللى شيلناها
( بس حنخلى ربع الكوباية ونستخدم الباقى)
ونغطى بيها كل الكيكة
بالشكل دة



طبعا مش حنرمى اى فتفوتة من الكيكة
عشان كدة حنجيب الاطراف اللى قطعناها
ونفتفتها فى طبق ونحط عليها باقى الخليط اللى فى الكوباية
ونعجنهم مع بعض كويس



لحد ما يكونوا عجينة سهلة التشكيل
وبعد كدة نشكلها على شكل كور



وبعد كدة نجيب شيكولاتة فارمسيلا وندحرجها فيها



ممكن تستخدموا جوز الهند او مكسرات او فول سودانى
اى شئ تحبوا تغطوا بية الكور

ودة الشكل النهائى لجاتوة الشيكولاتة




جربوها حتعجبكم صغار وكبار
وبالهنا والشفا

مستنية تفاعلكم
واوعواااااااااااااااا
تنسواااااااااااااااااااا
التقييييييييييييييييييييي يييييييييييييييم







قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©